[aborayaan]

اقتباس المشاركة الأصلية كتبت بواسطة tadlaouia تحية لاخي ابي ريان ..زادك الله من فضله ... قال ليك رجالة إيوا هادا العجب العجاب معلق لي طانكا فودنو وحاطة ليها مو الحجاب خايفة ضربو العين يا سيدي اش هاد المكتاب هاد الشي وهو صغير اوملي ولا راجل كتافو ما يدوزوهم باب مسكين يقلب على المرا الموظفة باغيها تصرف عليه وعلى الاحباب الرجلة مشات مع الواد وداوها الناس الجواد وهاد الراجل ما زاال زايدها بالحساب الراجل هو الي يقد بدارو وولادو وما يرضى يمد يدو لمراتو ويصرف ويحن ويخدم في العجاج والضباب ويجري ويجاري ويدمر ويطرق كاع الابواب اوا الله يجيبنا في التمام ...اشنو رايك اخي ابو ريان ؟؟؟؟ اختكم تادلوية

هذاك بوزويهكة
غير من شباه الرجال
اللّي عندهم عقول
ربّاة الحِجال
ما رباتو مُّو
على الرجلة موحال

باينة مو
من دك المقزبات
المقرعات الراس
للطالون مقرقبات
فوجوهم ديما
معجبات
لولادهم فالزناقي
مكركبات
ولسرار رجالهم
مسرسبات
من ديورهم
ديما خارجات
وفولادهم راهم
سامحات
من كثرة السحور
رجالها تكسحات
قوات لاضوز
ليهم عمات
كانو رجال
ولاّو بكمات

النسا الحرار
تربي الرجال
وولاد التالفات
غير بوزبال
سامحيني ختي
على هاد المقال
فتنة النسا
راها وبال
فيه شلاّ ما يتقال
خايف نكثر
الكلام يتقال
وختي عنّي
ما تبقا تسال