[tadlaouia]

اقتباس المشاركة الأصلية كتبت بواسطة aborayaan هذاك بوزويهكة غير من شباه الرجال اللّي عندهم عقول ربّاة الحِجال ما رباتو مُّو على الرجلة موحال باينة مو من دك المقزبات المقرعات الراس للطالون مقرقبات فوجوهم ديما معجبات لولادهم فالزناقي مكركبات ولسرار رجالهم مسرسبات من ديورهم ديما خارجات وفولادهم راهم سامحات من كثرة السحور رجالها تكسحات قوات لاضوز ليهم عمات كانو رجال ولاّو بكمات النسا الحرار تربي الرجال وولاد التالفات غير بوزبال سامحيني ختي على هاد المقال فتنة النسا راها وبال فيه شلاّ ما يتقال خايف نكثر الكلام يتقال وختي عنّي ما تبقا تسال

قلت ليك اخي ابو ريان غادي نرد عليك

وها جوابي وخا معطل



والسي العياشي ..يا العياشي

على ما بان ليا اتوما يا هاد الرجال

الي فدفاتر والي الي على برا

افعالكم زين الفعال

رباتكم النسا الحرار

وعلى حساب الكلام والسوال

بوزويهيكة ما بغيتوه يكون منكم

والمرا القرعة المقزبة ما هي عل البال

راه زينة المرا في تباتها

والي تخلي دينها هو المكيال

راه المرا والراجل بالدين يتوزن

وبحسن الفعايل يكون عليه التعوال

كاين الرجال الي يقول فيهم المثل :

شايب لحاهم والعقل ما زال ما جاهم

سامحني اخويا على هاد المقال

راه حنا ما كنا على هاد الفال

ولكن هاد الهضرة ديرها في البال




تقبل اخي ابو ريان تحيتي وتقديري