 |
هادْ الفدّان
فـدان دَ الشعـير
نصّ سْبول
أنصْ خـرْطـال
حـْوَلْ ڭالْ :
شوفو هادْ الخيرْ
عندو مومّو العين
ديمَ فْ الشْمال وصاني حكيمْ
مانسمعْ لْ الصغيرْ
هو كيف الغشيم
حْكامو حكام الهبال
|
|
التيجاني تمادى
ما علم، ماشاف، ماسمع
كيف العادة
راسو قاصح... ومقتنع
بكلام لَحْول
اللي شاف الفدان سبول
علمو من قبل
كيف علم... شلا مهبول
بشوفة حَوْلَة
تصنف النسا ف كفة وَحْدَة
وكيال الفولة
ف الرحبة مراتو واجدة
سال المغرفة
عظم أو لحم اللي ف البرمة؟
سال المغرفة
كيف تسڭي وكيف تكون اللڭمة؟