[aborayaan]

اقتباس المشاركة الأصلية كتبت بواسطة tadlaouia وعليكم السلام لا شكر على دابيز ههههههه محاولتك رائعة ..لو انك اقتبست قصيدة الاخ ابي ريان لكفيتني مسؤولية الرد عليها ....سيري الله يرضي عليك ...ويكتر من امتالك بردتي ليا القلب ..

حشمي أهيا البخيلة
وسيري تخباي فشي دخيلة
راه كولشي يكول
عليك يا لهبيلة
ملك على هاد التبهديلة

الفلوس لك غاية
ماشي وسيلة
ليها تعبدي
يا الدليلة
هداك علاش
نيتك قليلة
عيوب راجلك
لقيتي حيلة
تْسْتِّْري بيها
قدام لعيلة
وتعيشي ولادك
فتجرتيلة
باش تخبي لفلوس
تضاعفي الحصيلة

ماكفاك صبرهم
علىبعادك
وليتي غريبة
على ولادك
شُحّْك شعل حقادك
على راجلك
وسنادك

هذاك اللي ربي
دارلك لباس
غرقتيه بالدل
وسط الناس
تديري معاه
الراس بالراس
حتى مات بينكم
الإحساس
وليتوا معاشرين
وخلاص
كان زواج ولاّ
غير دحاس

تحية أختي التادلاوية ,تخبيتي عليا فالمواضيع المثبتة بالحق كاش كاش هانا لقيتكم غدا النكِير(الكاف بثلاث نقط)....