[نجيب أمين]

هدا سلامي
لـّي يفهم كلامي
لـّي صال أو جال
ف بلاد لهبال

هاد الناس تحب تركع
ضحكها وبكاها متصنع
تحب تطيع وتسمع
هداك لـّي نام
أو ما قام
هداك لـّي خاف
وتخبّا تحت اللحاف

قالو راه يناضل
ولـّي ما عرفو غافل
هزوه فوق لكتاف
غناو أو كتـّرو تخراف

دارو ف الصندوق
مستقبل مشنوق
وقلبهم مدبوح
بلأمل والطموح

هو اطلع للسما
أو هما بقاو تمّا
قالو راه يناضل
ولـّي ما عرفو غافل

تسناو من السنين سبعه
لا خدما لا لباس لا شبعه
تمناو من رب السما
يبدل لجفاف ب الرحمه
و يتفكرهم مول الكلمه
يطل عليهم ولو ف لحلمه

فاقو سادين عينيهم
أو جا لـّي حلـّهم ليهم
ورّا ليهم الصوره والرمز
أو واعدهم بالهمه والعز

دارو ف الصندوق امامهم
أو فجيوبهم ثمنهم
اّو رجعنا لسنين النعاس
الله يحد لباس.
لقد حاولت إعادة تقطيع مقطع من النص ثم إعادة كتابة بعض الكلمات المختومه بالتاء المربوطة بالهاء عوض التاء.... بالنسبة للمقطع الأخير فهل كلمة امامهم تعني إمامهم أو أمامهم حتى يستقيم المعنى............
تقبل هذه الملاحظات المتواضعة أخي عز الدين.....مودتي