[بلابل السلام]

السلام عليكم ورحمة الله تعالى وبركاته

أنا هاذ المحكمة كانت كتخلعني ..كنطل عليها من الباب ونرجع .. الساعة ليوم حصلت

ولكن من زهري ، كتبت شي تخربشة ليوم في الزجل ، في إطار المناوشات الأخوية بين الرجل والمرأة

وللمحكمة الموقرة واسع النظر في قبول الزجلية أورفضها :

كانوا رجال ..ولْيوم ...

كانوا زمان رْجال
عليهم نْعول ونْسال
فْعلْهم يوزن جْبال
ما يْخرجو عيب
ما يْجرحو حبيب
ولْيُوم
أجي تسمع وتشوف
مول الدار اللي خان
عشْرة سْنين ويام
ومْشى مع خْليلة
ونْسى مْراتو الرزينة
وهذاك اللي غْصب
ولدو وبنتو
وفعل ذيك الرْذيلة
فين هو اللي يغار
ميْبيع عرضو بمال
فين هو اللي يْحَن
على وْلادو مايْمَن
تْخلطات لفهام
وعْواجت ليام
وانتَ والمرا سْباب
في هاذ لمحاين ولعذاب

هذا ما استطعته الآن سعادة القاضية ، ولكم واسع النظر.