[tadlaouia]

اقتباس المشاركة الأصلية كتبت بواسطة aborayaan هاك أختي التادلاوية جواب كلامك عل المرا الخداما. المرا خدامة ماشي معيورة يمكن خدمتها تخفف الضرورة وتخلي الحالة فالدار مستورة ولكلام الكالسات ماتكون مجرورة راه بالمفاهما تكون الأسرة مسرورة ولّي على اختيار النسا يسال سيد النبي فْصْل فهاد المقال كاين لّي ختار المال وكاين لّي عل لعروق يسال ولاخر على مولات الدين عوال ولكن فزمانا تخلطت لحوال لنساب تهجنات والدين قلال وبنادم تزير وحتاج المال واللبيب الفاهم فالكيل والمكيال يختار الهل والدين والمال تحيتي

يلاه واحد الرد سريع عليك اخي ابو ريان ..غير قبل مني راني على قد الحال..شكرا اخي على الدعاء ..امين


وجينا لحديث المرا الموظفة

خداها راجل زايدة فيه الفهامة

قال دجاجة ببيضها نفوز بيها

قبل ما يسبقني هاداك بوسلهامة

قالو ليه راه ما تصلي ما تفهم

قال ليهم الله يرزق غير الصحة والسلامة

مادام مانضتها في جيبي

فهامتها تقلب عليا غير الملامة

بدينها تفتح عليا الفتاوي

ويبان ليها راسها مضلومة


*****

يا العياشي رد البال

المرا تبغي الصدق ف المقال

ماشي الراجل البروال

الي حاضي القيل والقال

هذا راه كلام الهبال

راه الدين كلام العقال

والمرا تكسبها بزين الفعال

راه سيد النبي قال

الراجل يصرف على كل حال

والمرا ما يضرها ضيق المال

ولكن يضرها سوء الفعال



تحيتي وتقديري

اختكم تادلوية