انا معلمة متخرجة حديثا و هذه بعض الطرائف التي حصلت معي:
في احد الايام طلبت من التلاميذ انجاز واحد التمرين و كان المطلوب هو (ضع ما يناسب مكان النقط).شرحت التمرين و مشيت جلست.ولكن حنت هوما شلوح ماكايعرفوش العربية بحال الا كنكب الماء في الرملة.شوي بديت كندور عليهم لقيتهم نقلو التمرين كما هو و في مكان النقط كاتبين(ما يناسب).
في طريقي الى احدى الفرعيات و كان يصحبني احد السكان راكبا على حماره(اعزكم الله). في الاول سألته:شحال ديال الطريق؟قال:غير ربع ساعة اجي تركبي.قلت:بلاش ملي غير ربع ساعة نمشي على رجلي.بعد ربع ساعة سولت:واش باقا المدرسة بعيدة.قال:لا غير ربع ساعة اجي تركبي.وانا نركب.بلنت لي هاد القضية ديال ربع ساعة ماغاداش تسالي.ملي ركبت و انا خايفة قالي:مزيان كتعرفي تركبي باينة عندكم الحمار في الدار.
في الاخر وصلنا حتى دازت ساعتين
هادي هي ربع ساعة.
واحد المرة كنت ماشية لفيلاج في طاكسي و تسالى ليه المازوط و تلاقى مع طاكسي اخر و ربطو بحبل و جرنا حتال فيلاج.
واحد المرة كنت ماشية لواحد الفرعية بعيدة ب 7 كم و في الطريق دزنا على 1 الدار طلبنا منهم الماء و جابو لينا سطل ديال الماء و سطل ديال اللبن.
واحد المرة كان الاستاذ اللي معايا في رخصة
و عطيت للتلاميذ شي حاجا يخدموها و مشيت لقسمي شوي رجعت نشوفهم ل قيتهم دايرين انتخابات,حتى هما مدورين الرشوة,1 قاليهم صوتو علي و نعتيكم اقلام كلهم صوتو عليه.
هذا ما اذكره الان,ساوافيكم بالمزيد ان شاء الله.