كنت كالس
ما بيا
ما عليا
حتى شعلات
العافية
بسباب التدلاوية
خصها تشعل العوافي
وصافي
جمعات حطب الزجل
ووقيد لقوافي
الرجال حماو السوق
و النسا مكانوش معكازات
وانا
ما هموني
وما شطنوني
غير لوليدات
غادي يمشيو
فالرجيلات
******
واخا انا مامزوج
مارافد هم
ملي شفت هاد الشي
ركبني الغم
غاندير بناقص كاع
اش بغيت بشي صداع
نبات ليلي هاني
مانخمم
ويرتاح بالي
وانتوما الله يهديكم
كونولطاف
واللي غلب فيكم يعف.
استفزني الموضوع الجميل ..تقبلوا مساهمتي البسيطة.