[أبو العز01]

جابوها أًوجات
سماوها لنتخابات
غياطين و طبالات
فيهم رجال و عيالات
بدات ساعةْ لْحُرقة
الولايم كثرات
عراضات و ُتصالات
لكباش تنحرات
صبيان وُبنات
ايام دعاية لْورقة
كساكس وُطويجنات
تدويرة بالمئات
بْليغات وُشريبلات
وعود وُكلامْ بْويقات
مكتوبنا 6سنين د السرقة
عقنا احنا بلْقْويلبات
ما بْقَ قَدْ ما فات
حمامات وُتْراكتورات
وْريدات وسليلمات
ما بقات ليهم مرقة
النواب تْفَطْمات
طارو منْ لَمْقِعْدات
جيوبهم تْعَمْرات
يِرَجْعو لِ جْلِيلْبات
ياك خْذاوْ مصروف النفقة
هذا نْجَحْ هذِ سقطات
ليلة وُصُبحْ وُقصارات
تهاني وتبريكات
من مصالح وُقيادات
هذِ بلا شك آخر دقة
مرادنا فِ الجيات
نواب رجال و نايبات
منصبها عليه ما تْخَلات
لا فْلَمْدينة و لا قريات
صدور ديما حنينا و شفقة
قومو بنا يا لُوْليدات
هذا زمان التغييرات
ما تبخلو بْتَعْبيرات
ما تخرقو قانونات
مشات ايام الزلط والفرقة
ظنونا غارقين فِ نْعيسات
ذهنو عقولنا بِكْليمات
طمسو لينا لعوينات
زرفونا بِكْذيبات
أراك لَحساب بدات اللصقة
أنتَ منين جاوك رْيالات؟
وُنْتِ ما تحتك بْزيطمات؟
فتشو ليهم لَمْجِيْرات
دِمَمْ وُ أيادي نظيفات
ما بغينا ترجع أيام الحرقة (زيد واحد نُقطة) انتهى
15 يوم للمرقة
و1 نهار للورقة
و6سنين للسرقة.......................زوينا هاذِ


تحياتي للجميع..نتائج الإمتحانات في الإنتظار ...زيرو وُلا رخفو..بْقاو غير لكويغطات فْ الزنيقات.. المحافظة على البيئة بالدارِجة...سلام../