ما كنت اتوقع ان يقال في هذا الخطاب
من يومين خرج ملك المغرب ليدلي بخطاب وكانت التوقعات حوله كبيرة ولكنه بنفس الوقت اعطى شعبه ما كان يحلم به من تقليص لسلطاته وتكليف رئيس الوزراء المنتخب وصاحب الأغلبية في البرلمان بها .. وحتى أنه أقر اللغة الامازغية كلغة رسمية ثانية للمغرب
تصوروا يا أحبابي المندسين ملك ورث الملكية عن عشرطاعش جد وعمال يقلص صلاحيته … اين نظامنا من هذا
والله توقعت اليوم الخطاب يبدا
1. حل جميع الاجهزة الأمنية وتشكيل جهازيين فقط أمن داخلي او وطني ومخابرات خارجية
2.وقف العمل فورا بالدستور الحالي والعمل على تنسيق دستور جديد بما يتوافق مع متطلبات الشعب
3.اقالة الحكومة وتشكيل حكومة تسيير أعمال حتى انتخاب حكومة جديدة مع الدستور الجديد
4.حل مجلس مطبلي الشعب وتحديد موعد لمجلس شعب يمثل الشعب حسب الدستور الجديد
5. اعتبار حزب البعث كأي حزب ثاني رح ينعمل في سوريا حسب القانون الجديد
6. قانون اعلام حر ينتقد كل اساءىة للقانون من رئيس الجمهورية حتى اصغر مواطن
7. السماح لكل المنفيين والممنوعيين من السفر بالعودة او الخروج دون اية متابعة
8. محاسبة جميع المسؤوليين عن قتل المواطنين والاطفال يلي كلهم برقبته والمشكلة انو رقبته طويلة وما منعرف لسه اذا فيها شي محل كمان
9. ااستعادة الاموال المنهوبة والمسروقة وتأميم كل شركات ابو الريم وبيعها اصولا وادخال اموالها لخزينة الدولة
10. تحديد موعد لانتخاب رئيس الجمهورية وفتح باب الترشيح لأصحاب الامكانيات يلي موجوديين مع هاد الشعب الحر الابي
بس طبعا نحن كسوريين وكما تعودنا انو احلامنا بتحقق فشي كوكب تاني مع ال الاسد من 40 سنة طلع الخطاب فوق كل التوقعات او نزل تحتها والله انخيلنا
بس بدي قول انو الحمد الله رب العالمين خلق يوم الحساب وان شاء الله بكون الحساب لهيك نظام على الارض قبل السماء
مدوا اياديكم يا مندسين حتى نتعاهد ان لا تقف الثورة حتى ننال الحرية
تعلمنا انو الشعب السوري ما بينذل ونحن السوريين قدها.. تعلمنا ان نكون دائما في الصف الاول ومع الاسف نحن اليوم اخر العالم مع هالنظام
حرية … حرية ….حرية انشروها وحتى يتعلموا المنحبكجية شو معنى حرية
واذا نقصت شي توقعات كتبوها بالتعليقات حتى نعرف كلنا شو هي الحرية
ودمتم مندسيين حتى سقوط الخونة..
من موقع المندسين السوريين