عندي شي تلاميذ
عندي شي تلاميذ فيهم يحتار
مول المعرفة عالم العلما
يحط الراية وبالهم ينهــــــــار
يشد الارض ويطلب السلامه
هادو ما هم من الانس يا حضار
هادو واخدين من البهيمه علاما
سعيد كركوش ف السخرة إعصار
ديما حاضر خف من الحمامـــة
وقدام الليف يطلب يا ستــــــار
يصرط الكلام ويدير كمامـــــة
و ولد الشيخ أعظم كركـــــار
مول الحنيكات و الابتسامــــــة
حفظ البلاصة و عاد سمسار
وقريب بالأقدمية يشد الامامة
ادريس باسل داسر وحكار
وعند السبورة خواف نعامة
بالقوالب ماضي ينشر منشار
و بين القواعد ضيع الكرامة
أسامة زواق سيفة ****
يبيعك البرد ونجوم السمــــا
ف كل بلاصة معشش صرصار
مركب التكليخة ودايرلها حزامة
ف ولد الفقيه بقى عقلي محتار
عل الكسالة تربع ودار عمامة
سيدهم ف كل يوم يتزار
و إلى غاب تقوم القيامة
ف القسم ساكت معلق الوقار
وبرا عليهم تراكس هدامـة
التعليم مهنة تقصر العمار
وتزيد ف كل يوم ندامـــة
على تلاميذ يطيحو العــــار
كلشي يحضر إلا الفهامة
عاد القسم بالسطولة نـــار
وعاد الجهل نور عليه الغرامة
أبو سارة