رجع لله لا تكون عاصي
لاتغفل لاتكو ن ناسي
لاتقول دنيتي نمتع راسي
متاعها قليل يا القاسي
رجع لله لا تكون غافل
طيع ربك كون عاقل
قاد قلبك لا تكون مايل
فكفرك لا تكون صايل
قبلك نذلت قوام العصيان
طغات اوعلات البنيان
فرعون او نمرود او هامان
قارون ملك البهتان
طغ تبع طريق الشيطان
نسى فضل الرحيم الرحمان
لحقاتو عقوبة النسيان
هلاك وضياعة ونيران
رجع رجع يالمنطوح
رجع باب التوبة مفتوح
رجع بدموع ندامة تلوح
خلي مسك الطاعة يفوح
تسع بعد الصحبة الطاغية
ربي وجدليك الفرقة الناجية
للخير والنور ماشية
الحب والعبادة الغالية
صل صلاتك المفروضة
لاتفوت وقاتها المحفوضة
زيد نفايل ممدودة
وقاتها ماهي محدودة
صوم رمضان يعتقك من النار
يرضى عليك ربك الغفار
خلي صومك صوم الأخيار
لازم تكون فصف الأبرار
زكي صدق لا تنسى المسكين
خلي قلبك رطب حنين
عطيه زيدو عاونو بمعين
ونوصيك خويا والسامعين
لاتنسى تعامل المسلمين
المعاملة خوي أصل الدين
خدم لا تكون من الفنيانين
تعلم علم المجدين
تنفع بلادك والعالمين
اوبها نختم لاتكون عاصي
رجع لله لاتكون قاسي