هدا كلامي ف المرا....

[tijani]

مراتي ......


مـْراتي نجيبْها من دار البَّاها
نعـرَّسْ أنحضـَّر الخـْوانْ
إلى كان قلبي حبها وبْغاها
بالحق إلى كان
ذبحْ علِيها وسمَّاها
بالحق إلى كان
علمْها وربَّاها
معايَ ترتاح مزيانْ
إلى تقبلْ عيشـْتي وترضاها
تـْرَك الغـْنانْ
إلى بغاتْ نعيش مْعاها
تسمعْ الكلام ْ
طبـَّق الحـْكامْ.. ما تعـْصاها
تجنبْ الخصامْ
أمَا تمـْتـَمْ بْ شْـفاها
مطـْواعَه بْ الدوامْ
ألا راه الدَّبْـزَه تلـْقاها
مسْرارَه فْ الغـْرام
ما تحداني ب جـْفاها
ألا تلقى ضرَّه حـْداها
المْرا راهْ كيفْ سلـْعه
شي باعْ أشي شْراها
بالحق تبلغ الرَّفـْعه
إلى تحتارمْ
أديرْني بحال بَّاها
تـْعاون علْ الزمان
ما يكون العـْناد عْماها
أجـيني يا لالا َّ كيفْ الوردَه
هي تعطـَّرْ
وانا نڭول حْليلتي محْلاها
خـْلي لـْوانك شهـْده
ِوِذوب القلب فْ هواها


نزيدكم ألا براكه ؟ههههههههه
سمحو لي أنون النسوة ..غير بغيت دوزو الوكاند مرتاحات ههههههه

[نجيب أمين]

أسجل المرور ولي عودة لهذه المناوشة....مودتي أخي التيجاني

[نورالدين فاهي]

مررت وسأعود .. تقبل تحياتي.

[علال ابن الشرق]

تشرفت النساء ببوحك يا أيها المبدع القدير ، حرفية في اختيار الكلمات ، وتمكن من أدوات الفن..دمت رقراقا يا أخي..

[مرآة الروح]

المْرا راهْ كيفْ سلـْعه
شي باعْ أشي شْراها
نزيدكم ألا براكه ؟ههههههههه
سمحو لي أنون النسوة ..غير بغيت دوزو الوكاند مرتاحات ههههههه

أفين هي الراحة من بعد هاذ السم اللي زرعت؟
أولى قول لي: جيت تكحلها...عميتيها...