الانتخابات جات

[بلابل السلام]

الانتخابات جات

الانتخابات على لَبْواب
سمعوا مزيان يالحْباب
هذا باغي يْنمي لَبْلاد
وهذا باغي يساعد لَعْباد
وهذاك حالف حتى يدك لوتاد

شلى قصص جميلة
أُو شلى احْلام كبيرة
اوشلى نفوس هْبيلة
ماعيات من الشعارات
ما مَلاتْ من لكذوبات

كثرت لحزاب والنقابات
وتْلفْنا في الرموز والسميات
ضاعت لهيبة ديال لنْتخابات
او مابقات داخلة عندي في لحسابات

وَخَى كالوا صوتك يٍغير لميزان
لا تهديه غير اللي يستحقو مزيان
أنا ما بقيت تايقة في كلام
يعيشني في لْوهم ولَحْلام

[oum othmane]

مررت من هنا ...ولحساسية الموضوع ..لي عودة...
تحيتي ومودتي..

[aborayaan]

اقتباس المشاركة الأصلية كتبت بواسطة بلابل السلام الانتخابات جات الانتخابات على لَبْواب سمعوا مزيان يالحْباب هذا باغي يْنمي لَبْلاد وهذا باغي يساعد لَعْباد وهذاك حالف حتى يدك لوتاد شلى قصص جميلة أُو شلى احْلام كبيرة اوشلى نفوس هْبيلة ماعيات من الشعارات ما مَلاتْ من لكذوبات كثرت لحزاب والنقابات وتْلفْنا في الرموز والسميات ضاعت لهيبة ديال لنْتخابات او مابقات داخلة عندي في لحسابات وَخَى كالوا صوتك يٍغير لميزان لا تهديه غير اللي يستحقو مزيان أنا ما بقيت تايقة في كلام يعيشني في لْوهم ولَحْلام

صدقت أختي أتحفت وأفحمت وبالحق نطقت.
لي قصيدة في نفس الموضوع كنت محتفظا بها ليوم الانتخابات.
انتطريها عن قريب.
تحياتي

[نجيب أمين]

شكرا أختي بلابل السلام على مواكبة الأحداث....أسجل المرور ولي عودة....مودتي

[mahdar]

النص يتميز بمقاربته موضوعا اصبح غير ذي اهمية لدى الماطن ..ويكشف عن الدعاية المجانية والكاذبة التي يمارسها مرشحو الزمن المقيت.....احييك على هذ ه المقاربة