صرخة بو زبال
علاش أنا مسكين
أما عندي عوين ؟
علاش أنا عديم
والحمل علي ثقيل ؟
اشنو ذنبي حتى ساكن نوالة ؟
اشنو ذنبي حتى عايش فزبالة ؟
اشنو ذنبي حتى لابس دربالة ؟
اشنو ذنبي حتى كرشي جعانة ؟
شي ساكن قصور لخدم عليه تدور
شي ساكن قبور فحياتو مقهور
شي عايش فالخير مدار حساب الغير
شي عايش فالويل وظهر عالحصير
شي يبذر المال عل ليمن وشمال
شي ملقا حتى ريال إبدل به لحوال
علاش اقلبي عايش مهموم
تبات تقاسي ونهارك محموم ؟
علاش اقلبي فبلادك محكور
اشي فالناس معزوز ومشكور؟
بغيت نهاجر ونقطع بحور
علا وعسى تزول الغيوم
لا سمحا لي عيشني مدلول
كان حاكم ولا مسؤول
ما نهز سلاح ولا نتفجر
مانخون بلادي ونطعن فالظهر
ما نسرق العباد فالليل قبل الفجر
ما نمد يدي نسعى ونتوسل
بغيت حقي, حقي بالميزان
نعيش كريم وحياتي تزيان
بغيت سعدي يظهر وبان
راه طال صبري وجرحي سال
امضاء: wajido
صرخة بو زبال
المواضيع المتشابهه
