الاتجاه المعاكس ..بين الدفاتريين والدفاتريات .....مستوحاة من مواضيعكم الاخيرة .ههههه

[oum othmane]

اقتباس المشاركة الأصلية كتبت بواسطة أم أيمن تبارك الله عليك يا أم عثمان

الله يبارك فيك غاليتي أم أيمن ....صبري علي شوي غادي نعجبك.....
تحيتي.

[الغِلاَق]

السلام عليكم
تبارك الله على التادلاوية شعالة العوافي ..
اكتشفت الموضوع لتوي .. شفتكم جابدين سيرتي ؟.. وانتوما فرقوا عليكم الغلاق باركا علي غير بلاهوادة ..
منذ مدة جاءتني جنية الزجل وأردت أن أكتب عن امرأة مشرارة ،سأكتب ما أتذكره ،وحيث إن الجنية لم تلازمني لوقت طويل ،لأنها خافت مني،فقد اكتفيت بهذه الأبيات ،وهي على لسان رجل آخر طبعا :

عندي مرا مشرارة
كل صباح تجي بلابْشارة
وتقول لي نوض يا العبارة
اسيادك بناوا عمارة
وانت مسكّنا في عصارة
ديما محرذف بالشكارة
ومطمّع فينا ال****ة
غذانا بصارة وعشانا بصارة
غدي تفركع لينا المرارة ..

وهكذا انصرفت عني الجنية ولم أتمكن من متابعة الكتابة ..

[tadlaouia]

اقتباس المشاركة الأصلية كتبت بواسطة Azzeddine.I الليلة ليلة فطومة فالعمارية مامنها جوج لفم كي بلارت الفروج العنين كبار ناويين الخروج دازت سيمانة داز شهر فين فطومة؟ كاتشخر طار الزواق طار لعكر الدار راها مزبالة الفراش حالتو حالة ما تصبح ما تمسي هضر الراجل مالك اسي؟ سكت الراجل مالك اسي؟ دخل معطل ولا بكري راكي كتفركلي طول النهار تخممي طول الليل تحمحمي وخا هاكاك يديك النعاس تشخري وتحلمي او فالصباح تحمحمي الفطور بالنفخة تفيقي الراجل بالمهراز والشغل داز ما داز تحضي مسلسلاتك او لغدا ما علا بالك فالليل يدخل الراجل عيان راسو بين المطرقة والسندان تقول ليه جيب البوطة الا بغا الراجل يربيها فطومة اللي ما منها جوج يوليو فيها هاجوج وماجوج عميتي العياشي بالزواق ضحيكات وشويفات النفاق من الجنب خرجتيليه والمرار جرعتيهليه الله يسامحلينا من حق العيالات..ههههههههههههههههههه

في الحقيقة بديتي تقسح الهضرة السي زيااد هههههههههههه

غير بشوية راه الدابيز بالتاويل

يا ربي تجيب شكون الي يرد عليك

اولا من بعد نصيب ليك شي رد يليق ههههههههه

تقبل تحيتي وتقديري اخي عز الدين



ملحوطة :..لمن أراد ان يرد على موضوع ..يجب ان يقتبسه حتى يعرف الرد على اي قصيدة

ولا نجبد العصا

[tadlaouia]

اقتباس المشاركة الأصلية كتبت بواسطة oum othmane السلام عليكم أختي التدلاوية شكرا على الموضوع الشيق شكوى فطومة الموظفة فنيت شبابي فقرايتي باش نهنى ونرتاح فحياتي بنيت وأثثت داري ساعة تضاعفوا علي حزاني احسن عوانك أراسي من المحاين راك تعاني لمن نشكي همي وهوالي ويشاركني فيك أفقايسي العياشي مهجرو لي فيامي وخى ولدت معاه ولادي عيشني عيشة الزوفري حط حقك ها حقي باش نخلصو روض الدراري البقال الكزار ولواني ولينا نتحاسبوا بالعلالي عيشة العديان هادي وديت التهمة غالبك أناري ما ترحم ما تسكت صبياني الشكوى بك العالي يالمكرهني فيامي

وعليكم السلام

لا شكر على دابيز ههههههه

محاولتك رائعة ..لو انك اقتبست قصيدة الاخ ابي ريان لكفيتني مسؤولية الرد عليها ....سيري الله يرضي عليك ...ويكتر من امتالك

بردتي ليا القلب ..

[tadlaouia]

اقتباس المشاركة الأصلية كتبت بواسطة driss972 فكرة رائعة جدا ... سأعود

اخويا ادريس غير بشويا عليك هههههههههه

لا زربةعلى صلاح ...هههههههههههه

شكرا اخي ادريس على الاطراء

عودة محمودة ....في انتظار مشاركتك

تقبل تحيتي وتقديري