لحرف...............

[عبد العزيز المكي الناصري]

الحال

لقلم حدَّاد

الورقة رحبة الجحاد

مسطرة بالمحنة.

الحرف مسخوط

وقَّف الكلمة و زاد

خيمة بلا أوتاد

منها هارب المعنى.

الحرف خو لَحروف

الحرف من قبيلة لحروف

ما مليوح ف بير

ما مفدي بخروف.

الحرف طوبة ف حيط

مبني بالصوف

مضرَّﯕ عوّاد

ف واد

تيقطَّر الكلمة ف لقداح

يعيش الليل و يموت ف الصباح.

الرزانة دير صوره عالي

و العقل سجان غليظ

أنا حماقي غالي

و الخاطر عيَّان مريض

ف الرزانة موتي

بالحماق نعيش

جواد

جامح

مسرَّج بالحكمة.

الجوع قوتي

الغناء غوتي

نقايض النعسة بالسهاد.

الحافر ف الماء

و المزنة

علاَّفة ف السماء

عامرة ب العناد.

الذيل من الريح

اللجام حزام مراة

ولَّا ثوب ضريح

راقد من ايام عاد.

الحال حوال

حالي ما يشبه لحوال

واحد بالماء الطايب برد حالو

واحد ﺑﯖﺪامو شحَّر براد.

واحد سلخ ثعبان كالو

واحد بلسانه طفا الجمر

وْ سَفْ الرماد.

واحد شاف الدم هدى باله

واحد على خده خيط لعقاد.

الحال حوال

حالي يانا ما يشبه لحوال

ﯕﻮلو التسليم

عيني مبرقة ما تقشع

ﯕﻮلو التسليم

وذني مْكَيلة

حالفة ما تسمع.

ﯕﻮلو التسليم

ذاتي تسجد

قلبي ما يركع.

ﯕﻮلو التسليم

العافية ثوبي

و الدخان. . .

نعالة ف ﻟﯖﺪام.

ﯕﻮلو التسليم

ف رزمة تنجمع النجوم

ونحزمهم بالغمام

ﯕﻮلو التسليم

تنكوي لفهامة بريوس السهام

ﯕﻮلو التسليم

تنوقف النشبة للفجر

ونصيد الظلام.

ﯕﻮلو التسليم

تَنَخْصي الديوك

ونحط للدجاج بيض النعام.

ﯕﻮلو التسليم

أنا. . .

تنشرب المداد

تننفح لقلام .

ورزازات 06/2004

[مريم الوادي]

تصوير جميل
شكرا أخي على الزجل المعتق
تقبل مروري

[نجيب أمين]

اقتباس المشاركة الأصلية كتبت بواسطة aymane07 الحرف نغمة ينطق حكمة الحرف نسمة تزين الكلمة الحرف بسمة تنور العتمة هاد الحرف اللي عشقتو وبقصبتي للخلق بينتو فعرسو ياما فششتو زوقتو وزدت نمقتو وبآيات الله زينتو بالرقعة نوضح فنونو بالمغربي يضهر ويبان بالنسخ نحفضو ونصونو بالديواني عريس فديوان بالفارسي نكلم سكونو و بالثلث نزيدو تليان الرقعة- النسخ- المغربي- الديواني. الفارسي- الثلث: من أنواع الخط العربي

شكرا على اضافتك اللطيفة....تحياتي

[نجيب أمين]

اقتباس المشاركة الأصلية كتبت بواسطة liberty03 تصوير جميل شكرا أخي على الزجل المعتق تقبل مروري

على الرحب والسعة.....شكرا أختي ليبيرتي.

[نجيب أمين]

اقتباس المشاركة الأصلية كتبت بواسطة عبد العزيز المكي الناصري الحال لقلم حدَّاد الورقة رحبة الجحاد مسطرة بالمحنة. الحرف مسخوط وقَّف الكلمة و زاد خيمة بلا أوتاد منها هارب المعنى. الحرف خو لَحروف الحرف من قبيلة لحروف ما مليوح ف بير ما مفدي بخروف. الحرف طوبة ف حيط مبني بالصوف مضرَّﯕ عوّاد ف واد تيقطَّر الكلمة ف لقداح يعيش الليل و يموت ف الصباح. الرزانة دير صوره عالي و العقل سجان غليظ أنا حماقي غالي و الخاطر عيَّان مريض ف الرزانة موتي بالحماق نعيش جواد جامح مسرَّج بالحكمة. الجوع قوتي الغناء غوتي نقايض النعسة بالسهاد. الحافر ف الماء و المزنة علاَّفة ف السماء عامرة ب العناد. الذيل من الريح اللجام حزام مراة ولَّا ثوب ضريح راقد من ايام عاد. الحال حوال حالي ما يشبه لحوال واحد بالماء الطايب برد حالو واحد ﺑﯖﺪامو شحَّر براد. واحد سلخ ثعبان كالو واحد بلسانه طفا الجمر وْ سَفْ الرماد. واحد شاف الدم هدى باله واحد على خده خيط لعقاد. الحال حوال حالي يانا ما يشبه لحوال ﯕﻮلو التسليم عيني مبرقة ما تقشع ﯕﻮلو التسليم وذني مْكَيلة حالفة ما تسمع. ﯕﻮلو التسليم ذاتي تسجد قلبي ما يركع. ﯕﻮلو التسليم العافية ثوبي و الدخان. . . نعالة ف ﻟﯖﺪام. ﯕﻮلو التسليم ف رزمة تنجمع النجوم ونحزمهم بالغمام ﯕﻮلو التسليم تنكوي لفهامة بريوس السهام ﯕﻮلو التسليم تنوقف النشبة للفجر ونصيد الظلام. ﯕﻮلو التسليم تَنَخْصي الديوك ونحط للدجاج بيض النعام. ﯕﻮلو التسليم أنا. . . تنشرب المداد تننفح لقلام . ورزازات 06/2004

شكرا على مرورك البهي وزجلك الجميل ..تحياتي
حتى ياخذ نصك حظه من القراءة انشره بشكل مستقل...وشكرا