******* خويا أمين
بنادم بلا روح يبـقى غـيـرقـلـْدَه
والراس بلا عقـل غيرْ صنـدوقْ
الورده بلا ريح ما تـكـون ورده
أجّـرْده محْلاها خضْرَه وبرقـوق
خويا أمين راه الحـْروف شهْـده
وحـلاوْة العـسل تخـليكْ رْشـوقْ
الشـجـْـره الواقـفـَه، لْـنـّار زرْده
إلى هي يابـْسه وماليها عـروق
خويا أمين الحرْف إعطيك جْْـدّه
هو كيف الشمـس منـوْرَ شروق
الحــرف زادي مــن زادو لا بْــدّ
به نـسعـدْ ونعـطي لحـياتي ذوقْ
بالحرف نحس ذاتي تـفطرْأتغدّى
أبلاهْ نكـون كِ تـايـه فْ السـوق
الحرف إعذبْ شْلا حروفْ تعدّى
على كياني،تخلّي فـذاتي شقوقْ
بالحرف أنا مسْكون اليـومْ أغـدّ
غي خليوْني نعبّرْ أنبرّح فالبوق
الكلافيي والستيلو نشدْهمْ شْـدّه
بجناحهم نطيرمْع رياح الشـوق
الحرْف تلقـى فـيه البـْنـّه ولـّـذه
بيه نتـمتعْ واخّا يْكون مسْروقْ
هذه هي الزجلية التي كنت وعدتك بها عن " الحرف" وقيمته.
خويا أمين
المواضيع المتشابهه
