هذا العام بالداخليــــــة
ابــــدات لانترنـــــا هــــذا العــــــــــــــام
وعند ليزانتيرن اقلال التخمام
وكلنا نبداو أحياة جديدة بالنظام
وفين؟ في الليسي يا سلام
فتحية للكومير والتكرميلة
تحية لبودنجال واتشرميلة
تحية للبطاطا في التنجيرا
تحية للاصوص وتابعها الدروس
أبحال البنج كاي يدور في الروس
تحية للريفيكتوار و التعريكة
تحية للدور توار واتكرشيخة
تكبدا ليتود في الستة
وفي السبعا كاي يوصل لعشا
كان خرجوا سربات سربات
وكان طلوا من النافدات
أش محطوط فوك دو الطاولات
ومن تما كايحلو الشهيات
ولا كيتعكدو لمصيرنات
كان اتاي مع البيـــــــض
هداك هو انهار العيد
كانت لحريره والكوفيتير
صاحبك يتلف أعليه أش يدير
كيتقادا لعشا وكنخر جوا بالنظام
وفي ليتود أتصيب خيك خدام
فبليكزيرسيس كايخرج بالتخمام
فالعشرة كاتبدا آتدهشرة
ويعود خيك يخمم فالتكحطيرا
نوض براك ما ترهق رآه الحارس بغى يغلق
الدور توار تفتح رآه الميتر كايشطح
كانطلعو ويبدى آركيل و التخياط مع لغسيل
والمراجعة في آخر الليل
تنعس ونبدى نحلم
معول على الصبيحة ولفجر
وانواض بالبكر والغسيل بالبطر
واسبري راسك لبغيت تفطر
كايتسد الدور توار
وكانخرجو أكبار وإصغار
وندخلوا للريفيكيوار
كان فطروا بالقهوة والكوفيتير
ولا الزبدا مع الكومير
اللي كمل كايهرب للقرايا غدي يزرب
سربي راسك راالناظر كايضرب
وفي لطناش دير الصف وتنظم
باش ادخل للمطعم
كاندخلوا ويبدى أنكير
والتبدال اديال الكومير
والماندارينوالتفاح كان أمريض ولصغير
ألشاف دو طابل فرق كلشي بالتساوي
ولتشبع أدعاوي
وفي الأخير كيتفرق اللحم
وأينا الحم ياك غير أشحم معا لعظم
وكلشي تيبدا ايبركم
ومع الديسير كايتقدى النكير
واللي كمل ايسير
كان دومي أمشى للدار، كان
كاتر كار بقى في الزيار
في الجوج اللاروب تتصوني ويبدى لهروب
شي داخل للكور مكلوب
شي باقي فالنعاس مكروب
dd1
توقيع/ابن الحبيب