مناوشة زجلية

[tijani]

مناوشات زجلية ، هي مناوشات حصلت في موقعين آخرين ، ارتأيت نقل دخانها الى هنا للاطلاع عليها...
" هادي حكايت ألخوان " مفادها ان زجالين لا يدخلان عادة صفحتي ..يمران مرور الكرام ن فكتبت هذه الزجلية أعاتبهما على تصرفهما:

هادي حكايتي يا لخوانْ
نفرشها ليكم فراشْ
نريّشها ترياش
جيت نسولكم علاش ؟
شي مْعايا بقلبُ ولسانْ
أشي تڭول خوى المْكانْ؟

هداكْ مولاي العياشي ؟
عجبْني كلامو
الذهبْ الحر ما يرْشاشِي
بالحق سْلامو
بـيا ما يحْلاشي
شوفُ قـدّامو
بغيتُ ما يعـْماشي
كونْ بقات على شي وحْدين
كلامي ما يعْلاشي

أمّا هـداكْ مولاي عسيله
كلامو رزينْ
حلو وبنينْ
بالحقْ النفسْ عـْليلَـَه
درتْ راسي مسكينْ
لقيتْ يـْدّيه ْ بْخيلـَه
كونْ بْقاتْ عْلى شي وحدينْ
صْفحتي تنوضْ فيها الرْتيلَ

أما هداك مولاي عمدوني
موقعُ ناجحْ
بالحق راسُ قاسحْ
عـْيـيتْ نكافحْ
جـْـنونُ همـْلوني
ماقتلوني ما حْياوْني
قـلـْمُ ديما يْصافحْ
أحَرْفي ما يصافحْ
كون ما جنونُ شـْدّوني
كون نبعـّـدْ مْسامَحْ

وبعد أن علقا على صفحتي ، عدت فقلت هذا الكلام :

علْ السلامه دخلتو داري
شفتو ليﱠ
عييت نجري ونجاري
جيتو ليّ
النار ناري
صبّات الشـْتى عشِـيّه
طفات ناري
نعرفكم رجالْ
ماشي دراري
بالحق ديروني فْ البالْ
الجار إبـْقى جاري
ألا نحوّلْ باب داري
أنا غي ضيفْ
ما شريتْ ما كاري
منْ الشتى لْ الصيفْ
وانا نحط ْ سـْراري
الحق ما هو حيفْ
نصرح بْ الخـفْ
مانـْداري
والخاطر لي يتنتـفْ
إصبح دْري إيولي يخرّفْ
أنعـْيى ما نـْراري

العياشي وعسيلة زجالان مغربيان .العمدوني هو صاحب الموقع ، موقع إنانا.

وإلى مناوشة زجلية أخرى.

[أبو المعاني]

أسجل مروري أولا من هنا حتى لا تعتب علي.هههههه
مناوشتك طريفة وزجلك متين.
تحياتي لك أيها الصديق القديم الجديد دائما.

[احمد امين المغربي]

مناوشاتك هائلة يا دفاتري الهوية

[tijani]

حاشا لله يا شهبندر المعاني
انت نعم الرجل ونعم الصديق
سررت بمرورك البهي

مودتي

[aziz-kaf]

قلوبنا معك يا السي التيجاني ...واقلامنا
......
.....
......
حتى هي معاك.