الاتجاه المعاكس ..بين الدفاتريين والدفاتريات .....مستوحاة من مواضيعكم الاخيرة .ههههه

[aborayaan]

هاك أختي التادلاوية جواب كلامك عل المرا الخداما.

المرا خدامة
ماشي معيورة
يمكن خدمتها
تخفف الضرورة
وتخلي الحالة
فالدار مستورة
ولكلام الكالسات
ماتكون مجرورة
راه بالمفاهما
تكون الأسرة مسرورة

ولّي على اختيار
النسا يسال
سيد النبي
فْصْل فهاد المقال
كاين لّي
ختار المال
وكاين لّي
عل لعروق يسال
ولاخر على مولات
الدين عوال

ولكن فزمانا
تخلطت لحوال
لنساب تهجنات
والدين قلال
وبنادم تزير
وحتاج المال
واللبيب الفاهم
فالكيل والمكيال
يختار الهل والدين والمال

تحياتي

[أم أيمن]

اقتباس المشاركة الأصلية كتبت بواسطة أم ايمان يا العياشي سير كون راجل واش بقات فالكويديمة و النظاظر عري على كتافك باركا ما تحاضر للكذوب تتزرب و تبادر السحور راه اختك الي دارتو ليك وانا منك و منها تبريت يا ربي اش هاد الجلاخة باش تبليت راه فازماني تكويت صابرة و بوحدي بكيت يا رب راني عييت راني عييت

رائعة أنت يا أم إيمان
الله يحفظك و صافي

[مداد قلم]

هاذي بنت العياشي أو فطومة كاتقول ليكم:


يا الوالد يا الوالدة..

اهملتوني ما حضيتوني..

نظل مقابلا لبيسي..

نضيع الوقت فالكلام الخاوي..

ما نقرا ما نحفظ كالسا غي نشاطي..

من حدا التلفزة يالولدة ما تنوضي..

من قناة لقناة كالسا تزابي..

هذا فيلم مصري هذا مكسيكي..

الجَّرات عندك أحسن مني..

دايرين عندك الحلقة أو كلامكم فالناس مايسالي..

ما تعطيني وقت ما تسوليني أشنو خاصني..

أنت يا الوالد من الخدما للقهاوي..

ما تدخل للدار حتى إطيب نعاسي..

ما تسولني كيف داز نهاري..

أو شحال جبت فالامتحان الأول أو الثاني..

نهار الحد كاع ملّي تسالي..

تبقى أنت أو الوالدة على التناكير اللي ما يسالي..

تشدني القفقفة أو الخلعة أنا أو خوتي..

نخافو لا ديروا لِلدِّين هي تقمش أونتا تبوني..

منبعد أنت تهزك السطافيت أو هي فلإسعاف تمشي..

نبقى أنا أو خوتي مشردين دالحين فالزناقي..

يا الوالد، يالولدة، توعاوا ، باركا من التخلف و هاذ العيشة..

أو فأولادكوم تهلاوا، راه هاذ الزمان صعابت العيشة..




تحياتي أو قبلوا على ما وجد..

[Fouad.M]

اضحكتني اختي مداد قلم ههههههههههههههههههههههههههه
مناوشة جميلة وتفضح سلوك بعض الامهات والاباء اتجاه ابنائهم.....كما اسجل اعجابي بالاخت ام ايمان والاخ بولعلام..وكل الاخوة الذين زينوا هذا الموضوع.....
وفقكن/كم الله جميعا...
لكن /كم تحياتي ومودتي....

[tadlaouia]

اقتباس المشاركة الأصلية كتبت بواسطة Azzeddine.I لمرا عمارة الدار( بمعنى كتعمرها ماشي القنبولة ديال بوعلام..ههه). كل نهار تلبس وتتزين بحال الا عندها العرس. تنوض فالصباح قبل الراجل, ما تنوضو ماتقرقب الماعن ما تزدح بيبان..تنوض الدراري وتوصيهم ما يصدعو باهم..توجد الفطور ودير العطور..تمشي عند الراجل وتدير ليه موسيقة اللحن الحنين وتقوليه" نوض الزين" تبوسو على جبهتو وتقرب ليه بلغتو..تمشي معاه للحمام وتمد ليه الفوطة وتسبقو للبيت تحطليه فطورو هو الاول والدراري عاد هي. يمشي للخدمة تبعليه السلامة وملي يرجع تستقبلو بالابتسامة..تعاونو يبدل حوايجو, تشعليه التلفزة وتجيبليه كتابو. تحط ليه الغدا وهي عروسة ومرة مرة توكلو بديها. نهار الاحد الراجل ما يخدم..السبت تدير ليه ليلة وتكون ليه خليلة. فصباح تفطرو وتلبسو وتقوليه سير القهوى ريح البال وشوف الصحاب وما تهز هم الولاد. الا قل ليها " شنو نجيب" تقوليه "كلشي كاين ويلا خسات شي حاجة نصيفطليك ميساج"..هههههه كل نهار تكون وردة تفوح منها الانوثة..تكون حادكة مولاة الدار وقادة. تربي لولاد احسن تربية وما تخبي على الراجل لا كبيرة لا صغيرة. تحافض على عش الزوجية وتخليه كل نهار تفويجة والا...راه الراجل يضربها بتزويجة..ههههههههه

خصها غير ديرو في الفيترينة

و....تمسح عليه الغبرة ...ههههه

هي خايدة راجل تديرو فكتفها ؟؟

ولا واخدة راجل يديرها تحت السباط

وايني السي العياشي

زدتي فيه ...حتى قجرني

الا بغاالراجل تدير ليه المرا بحال هكا

خصو يكون ليها سما .وليها غطا....ومن تحت رجليها سكة

اما هو باغي يدخل ويخرج بحال الفندق

ما هاز مسؤولية ...ما عاطي حرية

وف الاخر باغي يضربها بتزويجة

ويفقسهم هو ومراتو بالتفويجة

اوا السي العياشي ملي تكون قد المسؤولية

عاد طلب من المرا تخدمك بالنية