إسأل عمي ادريس

[الغِلاَق]

اقتباس المشاركة الأصلية كتبت بواسطة عاشق الكتاب تحية عمي ادريس قل لي أعمي دريس علاش هاد الصراع و الخصام بين التعليم العمومي و الخصوصي و اخا هما خوت ؟؟؟

d8sd8s
جواب عمي ادريس:

إيوا حتى قابيل وهابيل راهما كانوا خوت

وقابيل اقتل هابيل ما شي كاع غير

تخاصموا !..كنتمناوا غير مايقتلش التعليم

الخصوصي التعليم العمومي !

[الغِلاَق]

اقتباس المشاركة الأصلية كتبت بواسطة judy abotte يال العاار لم يجببني ععمي ادريس عن سؤالي مغاديش نسولك داابا حيت عندك 2 اسئلة

d8sd8s
جواب عمي ادريس:

غبرتي يا الشقية هاذ ليام !!
سؤالك كان قبيح ماعرفتش علاش ما
حذفوهش ملي اختارقوا المنتدى!
راه غير كنضحك معاك !..

كيقول المثل المصري،وبالمناسبة تعجبني
في الأشقاء المصريين لباقتهم:"يا مْأَمِّنِ
الرِّجّالْ يا مْأَمِّنِ المَيَّه في الغِربالْ !"هاذ الشي حينت"مصر هي أم الدنيا"كما يرون، يعني أنثى ..ونحن نقول حسب سيدي عبدالرحمان المجدوب:
"حديث النسا يونّس،ويعلم الفهامة##يديروا ليك شَرْكَة من الريح،ويحسنوا ليك بلا مَا "
ويقول أيضا :
مزّين النسا بضحكات##لو كان فيها يدوموا
الحوت في الما عوّام##وهما بلا ما يعوموا

إيوا آش ظهر ليك؟واش مانديروش الثقة غير في الرجال،ونتيقوا في العيالات؟

[judy abotte]

يعني الا متقناش لا في الرجال ولا نساء يعني منتقوش حتى في راسنا حيت انا بنت ونتا راجل

[الغِلاَق]

اقتباس المشاركة الأصلية كتبت بواسطة الشرقاوي59 2k2k2k2k والله ياعمي إدريس كلامك كله موزون وفيه الحكمة والصراحة تبارك الله عليك وخلاص

d8sd8s
جواب عمي ادريس:

الله يخليك ويعطيك الصحة آ السي

الشرقاوي..

صدق كلامك أنساك أن تسأل،لذلك

فسأسألك :آش كيجيك الفنان التشكيلي

الكبير أحمد الشرقاوي المزداد سنة 1934

ومات رحمه الله سنة 1967 يعني عاش 33

عاما فقط ؟!

هاذيك الصورة اللي دايرها أكيد تحمل لك

ذكرى معينة..ما حكايتها؟

[الغِلاَق]

اقتباس المشاركة الأصلية كتبت بواسطة judy abotte يعني الا متقناش لا في الرجال ولا نساء يعني منتقوش حتى في راسنا حيت انا بنت ونتا راجل

d8sd8s
جواب عمي ادريس:

وشكون اللي قال ليك مانتيقوش حتى في
راسنا؟..حنا تكلمنا عى علاقة الرجل بالمرأة
والعكس ..ماشي على أنفسنا..
بغيتي رأيي الشخصي؛الثقة في نظري مازال
كاينة..بدليل مازال كاينين الناس اللي هما نية كيف ما كنقولوا..يعني مازال كاينين اللي كيعتابروهم العايقين كْوانَبْ !
كون فعلا ما كايناش الثقة كون حتى واحد ماتدّار بيه،وكون راه ما تكونش الفوارق الاجتماعية الفضيعة اللي كنعرفوها كاملين ..بزاف دايرين لا باس حينت آخرين داروا فيهم الثقة..اللولين طلعوا والاخرين نزلوا !..الانتخابات خير دليل !
شفتي دابا أسئلتك فين رداتني؟!