هادي فكرة جد مهمة ومفيدة باش انغسلو الدوارة ، اولا مين ذبحوا الحولي اتكوني اموجدا البانيو فين تحط الدوارة باش ما توسخشي بالدم ، ثم شدي الكرشة من فوق قبل ما تخويها وديريها اتعمر اشوية بالما امخضيها اشوية واخوي هاداك الخليط اللي وسط الكرشة في بانيو فيه الصفاي باش الما اتخويه فالقادوس والمسائل الاخرى را انت عارفة هه في بلاستيك النفايات حشاكم ، امتبعين امعايا ، من بعد كنكونو غلينا واح الكمية اديال الما ودرناها فبانيو كنقطع الكرشة اطراف اكبار وانبقى اندوزوها فداك الما الغليان دون ما انخشيوها فيه كلها عانداك اتحرقي يدك ههه، ها حنا سالينا من هاد العملية من بعد كانشبر بانيو فيه الما بارد نرمي فيه اشوية اديال الخل وبصلة مقطعة اسنانف والملح وانعمل فيه الكرشة اديالنا وانخليها ساعة ثم نشللها امزيان بالما وعاد انطيبوها وبالصحة والراحة.
المواضيع المتشابهه
