من حكاية معلم - اسمعوا يا شباب

[lecamilion46]

اقتباس المشاركة الأصلية كتبت بواسطة أشرف كانسي سمعو يا الناس حكاية واحد من الناس بعد عامين من التكوين فطاطا جاني التعيين هادي أربع سنين ونا تنقري فالفرعية ومزال تنعمر ونحلم فالحركة الانتقالية ربع سنين من المعاناة فدواور منفية لاضو لا ما جبدت النيابة مقلع سد الخصاص كيف ديما لاحوني فهاد تزونت الملعونة قرية بين الجبال بعيدة ومنبوذة ناسها فالمنطقة مشهورين حتى السلام مايقولوها ليك ولكن بناتها بْتَلاًخْتْ يتهلاو فيك الجبال والواد والبرد صحابي من نهار التعيين الما من المطفية الى ماطيبتو مانشربو والخبز بزز مني نعجن ونطيب ولا مانكلو الخضرة لاوية واللحم مرة مرة تنشوفو صابر فهاد الفرعية الشمع عيا بالبكا في كل ليلة معيا سهران البرد والبعد زادوني هم على هم ديما حيران يا ناس هادي ربع سنين من التعليم وباقي تنقري فالفرعيات كاع تجمعو فيا البليات يا ناس هادي حكاية معلم وشحال من معلم ومعملة بحالي في الفرعيات صابرين يا الرب العالي

.................................................. .................................................. .........................................

.........................

اعتذر يا اخوان
لحشر موضوع ردي في هذا الكوان
لكني اخذت موافقة صاحب المكان
برسالة خاصة في نفس الوقت والاوان
.............................

قرات قصيدتك اخي واحسست بمعاناة السكان الذين عاشو عمرهم في ذاك المكان الذي لم تستطع تحمله 4 سنوات -اقصد المعلم الذي تتكلم بلسانه-
.......................
بغيت نعدل الصورة
باش تبان لينا الفئة اللي بالصح مقهورة
ردي معاناة مصرورة
في قلب عاش معاناة في مدينة زاكورة
لكن يا اخي وبلا ريبة
علاش ما نكولو راه الدنيا اللي صعيبة
عيشات دوك الناس في ظروف رهيبة
وخلعات من قلوبهم سمة الطيبة
ولات عيونهم مغبونة وكئيبة
خدمتنا ماشي هوان
هي لبراءة الطفولة اطمئنان
وهروب من قسوة الزمان
حنا ليهم من ظروفهم سلوان
ما نخلوش الظروف تعلمنا لغة الطغيان
ونشوفو فيهم الذ العديان
حنا ليهم نور وامان
بعثنا ليهم الرب الرحمان
باش نعلموهم يقراو البيان
حنا يا اخي مهما كان
حضينا بطفولتنا هذا زمان
اما هما را فيهم اللي ما صلى ما سمع اذان

[العزيز]

أشغل نفسك بالقراءة أو الرياضة أو الأنترنت إن توفرت لك التغطية..و اصبر و تعلم الجلد شقيق الصبر.و لا تنس أن من سبقونا عانوا سنين طوالا من النفي و التغريب.و العبد الضعيف هذا قضى سبع سنوات في جبال الريف قبل أن يعود إلى موطنه.فالصبر الصبر يا صديقي..

[gouchiovsky]

الله اعاونك انت استطعت تكول هادشي اما حنا تلفات لنا لهضرة ...لا حولا او خلاص

[أشرف كانسي]

تحياتي لكم إخواني .. مع أزكى تحية إلى كل معلم .. تحياتي

[أبو هاجر]

لله ذر من قال:
كل صعب على الرجال يهون***هكذا همة الرجال تكون.