اسمع اسي أمين - 3-

[tijani]

اسمع أسي أمين -3-

خويا أمين اسمع نوصيكْ
فْ سوق النسَا ردْ البالْ
نارْها شاعـله دْفاها يغـْريكْ
المْرا واعـْره..نهْلا يبـْْليكْ
ظـّلْ ساهي يتغيّـرْ الحالْ
مصروفها وصْداعْها يجْـليكْ
ظـّلْ تخمّمْ تڭول ْجا الهْـبالْ
نطلب تمﱠ ربي يشفيكْ
غـْرامها مَغرام بْ كلمة ْشحالْ؟
واجْده ! تبيعْ فيك أتشريكْ
البيرْ الواكحْ عمرو ما يرْويكْ

كاس المْرا كيف كاس المْرار
غير شرْبو ألا خـْليهْ
كثرة ْ الهدْره زيدْها الخـْبارْ
راديو قديمْ شْدو ورْميهْ
عودْ يابس ماليهْ زْهارْ
عرشْ الشوك ڭاعْ لا تسقيهْ
حْـنشْ من الحناشْ هي فْ الدار
رد بالك لا تمسَّد ليهْ
حبابك يلقاوْ القلبْ الحارّ ْ
تفرشكْ فراشْ أتزطمْ عليهْ
القلب الناشفْ جمْرو يَحـْمار
ألقلب الحنين ضْحِيكه ترْضيهْ
حمـّرْ العين فْ عينها تكـْبارْ
والشعـر الموسّخْ لا تحـنـِّي ليهْ
الطيرْ طيرْ واخـَّا فَ الـْغارْ
غيرْ شْدو.. وقـصْ جـَنـْحيهْ
راهْ العقلْ الناقصْ يا حـضّارْ
غير الله يكونْ فْ عون مّـليهْ

[Azzeddine.I]

تبارك الله عليك اخويا التيجاني
والله راني بغيت ندير شي بركة
قلت حتى نشوف واش غاتفلتو من يدين شي عيالات معانا او لا...
تحيتي لقلمك الجزلي المتجلي
اخوك عزالدين

[Fouad.M]

مناوشات جميلة بينك اخي زايد وبين النجيب....لكنك تفتح على نفسك ابواب النقمة من لدن النساء فاحذر ....هههههههههههههههههههه
تقبل اعجابي بزجلك الراقي....
لك تحياتي ومودتي...

[نجيب أمين]

آآآسي التيجاني

ما تقسّح راسك

هدا راه زمان خر

تحياتي أخي التيجاني

[بولعلام]

مولاي التيجاني
راك مهلي فسي أمين
إيوا رخف اشويل على لمرا لا يتقلقو علينا الأخوات الدفاتريات
راهم غي كيحميو فطرح
رائعة منك هذه الزجلية
تقبل تقديري واحترامي
محبتي