|
||||||
|
|
أدوات الموضوع |
|
|||||
زجل - الوردة و سؤال -
 الوردة و سؤالمشيت ، شفت ، ووقفت ثم سألت علاش وقفت جاوبتني وردة على يميني يا الواقف لابد ف لحظة تسير تزور شجرة وغدير وأنا شكون يحميني ف مكاني وحيدة نفكر نتسنى القادم ونتذكر موتي على يد سابيني شفت فيها وضحكت خجلت وابتاسمت ونسيت ما هو السؤال يمكن هي الضحكة أو هي الابتسامة سر كلمة جمال لحظتها أنا حسيت برغبة ف المشي ومشيت وخليت الوردة ف الخيال ف طريقي حاولت نجمع صور ولعقلي نسمع و نغني بالحال عل المقال وجدت نفسي ف السؤال نجمع حصاد الاقوال نبقى فيها حاير وأنا ف دربي ساير وفوق ظهري أسمال الماضي البعيد بالخوف كاتبة حيرة وخوف وشعلة من ضي الآمال مازلت وحدي ماشي والطريق خالية من غاشي نفك رموز السؤال مضات سنين طويلة و العين تشوف دواير الافعال ماتت ورود وتزاد مولود و قطرات السحب الثقال ولازلت ندور ف الدروب مخمور بشراب السؤال علاش وقفت واش الوردة تكلمت الورد يتكلم محال كانت مجرد أحلام وأماني ف ليل الايام و قطعة ثلج عل الجبال ذابت بحر الشمس و مشات بين الغرس وعادت ماء ف الوديان سال صحيت ف نص الطريق شعرت بألم وضيق وثقل السؤال الاحمال دازت أحزان وفرحات وأعوام مرات وصبح السؤال إشكال حاولت نجلس نرتاح ونتنفس واش الركب مازال ف مكانو واقف والجرح نازف ولا تهزت الارحال فين حنا ولا الوجود غبنا و انعدم الود والوصال هزيت راسي نتأكد ما بالي حتى احد و انعطفت شمال لقيت شيوخ جالسين جلسة المقهور المسكين يجمعهم الماضي الجوال وصلت متأخر للبيت فتحت بابو وتهنيت بعد رحلة أجيال وصلت ونعست وف أحلامي شفت وردة تطرح سؤال وحيدة وحيرانة فالسؤال غرقانة علاش نوقف تمثال نتسنى قاطفني والموت هادفني وبيت الناس أغلال هشام الشميطي
|
 |
| مواقع النشر (المفضلة) |
| الكلمات الدلالية (Tags) |
| الوردة, سجل, سؤال |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| الحشرة ........الوردة!!!! | جيجي امين | الصــــــــــور | 31 | 10-06-2009 18:23 |
| القطّة الوردة | الفوقى | الصــــــــــور | 11 | 09-06-2009 17:16 |
| حلوة الوردة بالمربى(منقول) | med77 | الـمـطــبـخ | 7 | 14-04-2009 13:01 |
| الوزارة بين الوردة والتراكتور | مراكش الحمراء | دفاتر الأخبار الوطنية والعالمية | 1 | 15-03-2009 15:55 |
