زجل تحت عنوان ـ لبلاد ـ - منتديات دفاتر التربوية التعليمية المغربية

amyowi · 29-03-2009, 15:05

عار الله بوجوهكم قبلو علينا

والى بان شي غيار ماشي بيدينا

لفراق والحرمان والبعد تشفاو فينا

اشحال من مواجع واسيوف اقواطع بيها اترمينا

واقبل ما نلقاو الحلول الرزينا

يا ك وصلات اخبار ومن كل دوار بلي جينا

ومعانا صوالحنا والخواطر الزينة

علاش العيب علاش غير حنو فينا

بقلوب الرحمة يا احباب فدونا

ما تقساو ما تطغاو راه للطغيان اعلاج

ما تشقاو ما تعناو راه فلعنا ابراج

مشينا خطوات محسوبة اعلينا

امواج تجيبنا وارياح تدينا

نناجنيو لبعيد وبعد لقريب لي كان لينا

عشنا لحزان فكل ازمان ومزا ل ليام توري لينا

نياب اصعاب حادة محدودة سواعدها مشدودة

ما بين يوم اغدا تفرط فينا

كفانا من التيهان فدروب النسيان واليوم لينا

بروايح وازهار فايحة بعطر زينة

يكتر الخير وتغرد لطيار فكل امصالر

ويسود الامان

فبلادنا الزينة

كونوا اخيار والخير بماليه

سمعوا كلام الجار وحقو يرجع ليه

علاش الضلم والجور لللي لاناق ليه

ولاجمل فلبلاد وريوس قاسحة بلعناد

الرجوع راجعة والله لبلاد

وما ضاع الحق لي نطالبو بيه

الرمال حانة ولو بعد زمان راها لينا لينا لينا

amyowi

tijani · 29-03-2009, 20:04

محاولة لابأس بها
مرحبا بك أخي الكريم وبجميل ابداعاتك الادبية
ننتظر منك الاجمل والافضل
بالتوفيق
تحياتي

احمد امين المغربي · 30-03-2009, 10:07

كم جميل ضمير الجمع في قصيدة...فعلا يشعر بالوطنية ويوحي بالإنتماء.تجليك للقضية أمر رائع ويزيده روعة صولتك الزجلية هذه.لك الشكر في منتهاه.

أبو المعاني · 30-03-2009, 11:34

قصيدة جميلة توحي بالأجمل.
تحياتي لك

amyowi · 30-03-2009, 14:41

كامل الشكر لكم اخواني وبتشجيعاتكم يمكن اغناء هذا المنتدى مرة اخرىاشكركم

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
بحث عن عنوان	boutat333	ثقافة العمل الجمعوي	1	21-05-2009 21:06
بلا عنوان 2	فهد الصايغ	الأرشيف	4	26-02-2009 09:29
حلم بلا عنوان	brid	دفاتر المواضيع العامة والشاملة	3	28-01-2009 11:41
درس :المراحل الكبرى لبناى الدولة المغربية	rachiiid	طلبات الانتقال بالتبادل	0	27-03-2008 11:47