طريقة تحضير مطيشة الحك او الطماطم المصبرة
طريقة اقتصادية وبسيطة لتحضير ماطيشة مركزة وصحية فنفس الوقت
و يكون مداقها ولونها احسن من ماطيشة الحك
ليوم جبت ليكم طريقة تحضير مطيشة الحك اوا امولتي وقتما نصبتي جمعي دوك القشور ديال مطيشة ديرهم ف فريكو حتى تجمعي شي 2 ميكات من بعد ديرها فوق النار حتى تطيب و ترخى من بعد دوزيها ف المكينة اليدوية عودي ردها فوق النار تنشف من بعد ديرها في قرعة صبي عليها شوي زيت
الطريقة بسيطة كل مرة ملي تستعملي ماطيشة فالطياب أو فشلاضة خدي القشرة واحتفظي بيها فالفريكو حتى تجمعي واحد الكمية كثيرة ودريها فوق عافية مهيييييلة مع شوية الملحة والزيت والتحميرة وخليها تطبخ واحد 10 دقايق وراها كاتطلق الما يعني بلا ماضيفيلها حتى قطرة ملي تبرد شوية طحنيها فمولينكس وصفيها وهاهي واجدة وراها كاتنفع بزااف خصوصا مع لي باط كاتعطي لون حمر زوين '
و يمكن ليك تنسميها بالزعتر او اوراق موسى اطيبو مع القشور و طحنيهم معاها
بالنسبة لطريقة حفضها كاين زوج طرق
الطريقة الاولى
ديريها فقريعات ديال الزاج وسديهم مزيان ودريهم فكوكوت فيها الما وسدي عليهم ربع ساعة وهاهوما موجودين
الطريقة الثانية
وهي كتاخدي مطيشة من بعد ماوجدات وديريها فالمول ديال مكعبات ديال الثلج ودخليها للفريكو حتى يقصاحو ودريهم فبلاستيك و واحتفضي بيهم فالفريكو وقتاش مابغيتي ماطيشة خدي منها القياس لي بغتي
وهناك طريقة ثالثة تشبه الطريقة الثانية
كنسرحوها فالبلاطو بمعلقة
من بعد كندير خطوط بالموس و قياس المربعات الي بغيت اي الحجم الي بغيت
و كنديرها فالفريكو حتى تجمد مزيييييان
من بعد هنا ملي جمدات
و كنديرها فبلاستيكة وممكن ديروها فعلبة و رجعوها للفريكو كل ما تحتاجوها غادي تاخدو قياسكم
م ن ق و ل من عدة مواقع