اخواني أخواتي بمناسبة نهاية السنة الدراسية أقدم لكم هذه المسرحية التي تعالج موضوع لا لتشغيل الفتيات الصغيرات في سن مبكرة و أتمنى أن تنال اعجابكم.
الشخصيات:
نفيسة : سيدة البيت
فطومة: الخادمة
عبد الكريم:سيد البيت
آية: البنت الصغرى
نرجس: البنت الكبرى
نفيسة:فطومة آآفطومة وجدتي الفطور.
فطومة :باقي آلالة نفيسة.
نفيسة :ياك قلتليك تبقاي تنوضي مع 6:00 ديال الصباح باش توجدي لفطور ولا ما كتسمعيش أديك اللفعة.
فطومة :نسيت الالة هذي آخر مرة.
عبد الكريم:مالكي يا هذ المرا على هذ الغوات كامل.
نفيسة: ديك الخدامة مكدير والو مقابل لي غير النعاس او اللعب.
عبد الكريم:البنات لي قدها تيقراو اوتيلعبو او هي كتشطب او كتجفف.
آية:صباح لخير مامي صباح لخير بابي مامي ماشفتيش كتابي ديال القراءة.
نرجس:حتى أنا مامي ماشفتيش كتابي ديال القرآن.
نفيسة :واقيلا عرفت مولت هذ الفعلة.
آية :شكون امامي.
نفيسة :هانت غاتعرفي فطومة آآفطومة فين هما الكتوب ديال البنات.
فطومة :راهم فوق الطابلة.
نفيسة :واقلا عبد الكريم عندو الحق فطومة آآآفطومة آجي آآآبنتي .
فطومة :نعام آآلالة.
نفيسة :باغي تقراي أفاطمة وفاطمة هي سيتك الجديدة.
فطومة :آه لالة واش كاينة شي بنت ما بغاتش تقرا او تعلم.
نفيسة :غدا ياله معايا باش نقيدك فلمدرسة مع البنات ومن دابا أناماماك.
فطومة :الله يخليك لي اماما.
عبد الكريم :هذا هو الكلام ولا بلاش.
منقول للأمانة . دعواتكم الخالصة بذرية صالحة.
[IMG]http://www.************/vb/images/orangeblack/statusicon/user_online.gif[/IMG]
[IMG]http://www.************/vb/images/orangeblack/buttons/reputation.gif[/IMG] [IMG]http://www.************/vb/images/orangeblack/buttons/report.gif[/IMG] [IMG]http://www.************/vb/images/orangeblack/misc/progress.gif[/IMG]