اولا بغيت نشير الى انها طرية ورطبة مثل القطن بالمعقول وسريعة ويا سلام على لذتها، تصلح لجميع المعجنات البيتزا والخليه والفطائر .... بغيت نشير الى انها كتخمر لمدة 10دقائق فمولينكس كندير : كاس زيت+3معالق كبار نيدو+ 3 م.كبار سكر + قليل من الملح+2 معالق.كبار خميرة الخبز + 1 معلقة.صغيرة خميرة الحلوى ممسوحة يعني معامراش + كاس طحين +كاس ونصف ماء
كنخلط الخليط مزيااان في الخلاط لمدة 7 دقايق وهذا هو سر رطوبتها ثم نخويها في القصعة
ثم نزيد على الخليط 2كؤوس ونصف حتى ل3 كؤوس دقيق حتى تتجمع العجينة
ثم مباشرة بلا منخليها ترتاح عملت منها 3 كرات بنفس الحجم
وطلقتها بالمدلك ودهنتها بالزبدة وطويتها بحال المسمنة (انت تقدري تستغناي على هذه المرحلة ديال الطي )
ثم كنبدا نشكلها مباشرة حسب الرغبة انا اخترت هذه الثلاثة اشكال: الشكل الأول كناخذ المربع الأول طلقتو بالمدلك وقطعتو مثلثات كما كتشوفي
حشيتها بالشوكولاتة ولويتها بحال كرواصة ودرتها فالطاوة دلفران
المربع الثاني طلقتو حتى هو وقطعتو على الطول وحتى هو حشيتو بشوكولاتة ولويتو وستفتو فالطاوة
الثالث طلقتو وقطعتو دوائر وعمرتو بالشوكولاتة وطويت الدائرة على 2 وجمعت اطرافها بهذا الشكل
ثم دهنتهم بالصفار ديال البيض
وزوقتهم واحد درتلو الزنجلان ويمكن ديري رقائق اللوز