امثال مغربية باللسان الدارج

[abdellah123]

اود ان اشارك بالمزيد من الامثال المغربية ولكن باللسان الدارج واعتذر للاخوة القراء الذين لا يستطيعون فك شفرة واستيعاب معاني هذه الامثال واليكم المزيد من هذه الامثال :
1- ادهن السير يسير .
2- كمشة ديال انحل احسن من قفة ديال الذبان .
3- اختار فاولاد اجرووة تجبد جرو .
4- الزين الا زين لفعال .
5- قد ما عندك قد ما تسوى.
6- قل لي مع من كتمشي انقول ليك اشكون انت .
7- الفار لمقلق من سعد القط .
8- الهم الى اكثر كيضحك .
9- اللي ما عندو هم اتخلقو ليه احمارتو .
10- لعمش في مملكة العميان هو السلطان .
11- اخدم يا التاعس للناعس.
12- شنعتو علي اوما غطى ودنية .
13- اللي درقك بخيط درقو بحيط.
14- الناس فالناس ولقرع في امشيط الراس .
15- اللي قال الهم اتقاضي ايعرض اللي جاي .
16- فرش لولاد الناس فاين اينعسو اولادك .
17- الزين كيحشم على زينو والخايب غير الى اهداه الله.
18- اسبع اصنايع والرزق ضايع.
19- الفاهم كيفهم والقاري كيتهجى.
20- اجديد ما مايلو جدة والبالي ما اتفرط فيه .
21- الى فاتك الهدرة قل اسمعت والى فاتك الكسعة قل اشبعت.
22- ما دير خير ما يطرى باس.
23- دوز على الواد الهرهوري وما دوز على الواد السكوتي.
24- اللي اتساحر مع ادراري كيصبح فاطر.
25- ارضيت بالهم والهم ما ارضى بي
26- حخلتو من لقطر اصبح كيفرق امعاي لبقر.
27- اربط تجبر ما اتسيب.
28- الوجه المشروك عمرو ما يتغسل.
29- الصنعة الى ما اغنات تستر .
30- حتى قط ما كيهرب من دار العرس.
31- جوع كلبك ايتبعك.
32- الهدرة بزاف واسكات احسن.
33- اللي اكلى دجاج الناس ايسمن ديالو.
34- البس قدك ايواتيك.
35- اللي انفخ على اللبن كيسعاه.
36- على وجه لكتاب كتباس الجلدة.
37- لفقيه اللي انتسناو براكتو ادخل الى اجامع ببلغتو.
38- اللي ابغها كلها كيخليها كلها .0
39- دير ما دار جارك والا حول باب دارك.
40- الحر بالغمزة والعبد بالدبزة.
41- اجمل كيشوف غير احديبة خوه.
42- اللي يتصاحب مع الكراب يتصاحب امعاه في الليالي .
43- حرك الماء ايبان العطشان.
44- سال لمجرب لا تسال اطبيب.
45- كيعطي الله الفول غير اللي ما عندو اضروس.
46- كل شاة كتعلق من اكرعها.
47- ما يدوم في القبر غير مولاه.
48- دبب على حمارك اتحج عليه.
49- صام حتى اعيى وافطر على اجرادة.
50- جوعي في كرشي واعنايتي في راسي.
51- خبزة تحت باطي ما اسمع حد اعياطي.
52- الشطاح ما كينسى هزة لكتف.
53- اللي كيشطح ما كيدرق وجهو.
54- اقلب البرمة على فمها تشبه البنت لامها.
55- ما كيكل وحدو غير الطبل.
56- اللي امغطي بمتاع الناس عريان هو .
57- اللي فيه شي اطبيعة ما ايبيعا.
58- اشكون داها فيك يا لحريرة واليوم العيد.
59- الراس اللي ما يدور كدية .
60- لفياق بكري بالذهب مشري.
61- اللي زربو ماتو .
62- النملة غير كيزغها الله كيديرلها اجناح.
63- يدك منك ولو اتكون مجدامة.
64- العين ما تعلى فوق الحاجب.
65- ضربو لحلقو ينسى اللي خلقو.
66- مائة تخميمة وتخميمة ولا ضربة بالمقص.
لو كان الخوخ يداوي لوكان داوى راسو

ـ برشيد خاوي وديور عامرة
ـ الزين تيحشم على زينوا والشين غير الى هداه الله
ـ تيقتل الميت ومشي فجنازتو
ـ سيدي الفيل زيدوه الفيلة
ـ الفار لمقلق منسعد القط
ـ الكرش الى شبعات تتقول للرأس غني
ـ قسوا فباطوا إبان اعياطو
ـ اللي قرصو الحنش تيخاف مللحبل
ـ الفم المسدود متدخلو دبانة

__________________

[مراد بن السائح]

برشيد خاوي وديور عامرة
المرجو شرح هذا المثل...

[أستادة فاضلة]

مشكةر على هدا الكشكول الرائع

[اليتيم]

اقتباس المشاركة الأصلية كتبت بواسطة مراد بن السائح برشيد خاوي وديور عامرة المرجو شرح هذا المثل...

من المتداول في المغرب أن برشيد بها مستشفى للامراض العقلية
وهذا المثل يقال لمن يتجاهل الاشياء ويرى عكس ما يراه الناس متعمدا .فيقال له
(برشيد خاوي وديور عامر)إشارة إلى أنه يجب عليه التوجه الى برشيد للاستشفاء

[اليتيم]

- جوعي في كرشي واعنايتي في راسي.
تقال في الانسان الذي لا يملك ويكون عفيفا مرفوع الرأس....