آشْ قالوا سْيادنا الْوالاَ................................

[tadlaouia]

قالو سيادنا الْوَالاَ.........

درْجة بدرجة

ومَا تقطَعْ الرْجَا

حَطْ همك فالله

وْديرْ الخيرْ فينْما جَا

أخْدَم وادْمَرْ ولآ تنسى

بذكر الله القلب يتْفاجَا

قطرة بقطرة يعمر البحر

وخطوة بخطوة توَلي شي حاجة

**********

قالوا سيادنا الوالا

بنادَمْ يا كْحَل الراسْ

يا خايبْ الطبيعة

اللبسة لبسة المسَلمينْ

والقلْب فيهْ الخْديعة

يَدْ شادة السُبْحة

ويد شادة القْريعَة

كُن بنادَمْ يصَفي قلبو

نوَلِيو كُلْنا خوتْ هاديكْ السْويعَة

وما يتجمعوا علينا عْدَا

وما يفرْقونا كِي الوزيعَة

*****************

قالوا سيادنا الوالا

دير الهمْ فْ الشبكة

شي يطِيحْ وشي يبْقَى

شِي همو الفلوس

ويجرِي جْرا الوحوش

وداها غير فالشْقا

وشِي مَرْضو كثارْ عليهْ

حتى شداتو الضِيقة

وشي قْتلاتو الغبينة

لا مال ولا جاه ولا وْجَه يَتْنَقى

كْتارْ الهَمْ ف الدنيا

وكلشي نسَا يومْ اللقَا

هاد الدنيا غير دارْ البَلا

ما خَصْ بنادَمْ يديرْ فيها تيقة





بقلمي تادلوية

[أبو المعاني]

زجل فيه من الموعظة الشيء الكثير.
بارك الله فيك أختي الكريمة على إبداعك الجميل.
تحياتي

[أم ايمان]

و الله الا بقيت غير حالة فمي .........هدا هو الزجل و الا فلا ..
أللا تبارك الله عليك من مفاجأة لاخرى
كلام رفيع او بحرو عميق ..........يغرق فيه العدو و ينعم بيه الصديق

[امازيغية وافتخر]

--تدلاوية--
اقوال اسيادنا الاولين تبقى دائما حكما مأثورة تتواترها الاجيال اللاحقة
فهي تحمل من الحكمة والمعرفة الكثير الكثير
وكذلك الحال بالنسبة لزجلك هذا،،،
لقد جمعت باقة متميزة من الاقوال العظيمة وكونت منها مقطوعة رائعة
حقا انت مبدعة بكل المعايير
نحن بانتظار كل جديد منك
--امازيغية--

[tayf lmaghrib]

السلام عليكم
خاطرة تتضمن الامثال الشعبية على الطريقة التدلاوية
فيها من الحكم و العبر الدينية والدنيوية
اعذريني فأنا لا أتقن الكتابة الزجلية
انما أحب قراءتها و التمعن في جمالية الكلمة الاولية
المنظومة بالسليقة و الفطرة الشعبية
تبارك الله على التدلاوية في دفاتر الزجلية
تحيات وسلام
طيف المغرب