إيه يابنادم يا كحل الراس
تجبرت، قصاح قلبك ما عرفت لمعاني
صحاح ساعدك، طغيتي ما بين الناس
تكبرت، عمات بصيرتك ما صاحبتي خلاني
ضاق صدرك ضغينة و جفا عينك النعاس
آه يطول ليلك و نهارك أجلك داني
اكشف سرك و بوح ، انفض عليك لعكاس
هكذا طبعك ديما مخالف الديان الرحمان
العدنان بين لخلايق ،لينا كان نبراس
سال عليه صاحبو تشهد ليك لعيان
شرايع المنان الله خير لكل الناس
افهمها ،يتهدى بها الخلق من كل ألوان
أمم ،خلقها الباري تعالى بغير قياس
عظمات و سبحات ،اكرمها بمقام جناني
يا بنادم ،شيطانك نعلو يطيب ليك النعاس
اعرف حدك لا تغلط لا تلغط بعظمة اللسان
لسانك صونو لجمو يحفظك من كل وسواس
عض عليه بالنواجد ،ضمو ضمة بين السناني
لا تشهد بالزور ،لا تعاقر الخمرة و الكاس
في مجالس الغنا والرقص وشياطن الغيوان
نبهتك و نصحتك و انت تعرف لخلاص
عقلك فراسك بين كتافك، شاورو في لمحان
ويلا فات الفوت و ضربت الفاس في الراس
لا تقول شمتهم ،انت المغبون في كل زمان
إيه يا بنادم يا غافل يا شايب الراس
قبرك مظلام ،لا شمعة لاقنديل وحدك اللي جاني
ابنادم كحل الراس
المواضيع المتشابهه
