لْكَلْمَه رَهَا حَكْمَه
- قُلْتْ كَلْمَه، قُلْتِ كَلْمَه،
نْسَالُو عْلَ اطْرِيقْ وَ مَنْبَعْ لْمَا.
لْسَانْ ثْقَالْ سَكنُ السُّؤَالْ،
وَ َلعْقَلْ يْطِيبْ فَبَرْمَه.
خْدِيتْ وَرْقَه وَ رْسَمْتْ طِيرْ،
بْصَوْتْ وَاحَدْ قُلْنَا حْمَامَه.
خْدِتِ وَرْقَه وَرْسَمْتِ بِيرْ،
مَافِيهْ لاَ دْلُو وَلاَ مَا.
تَبْنَ عَشْ فْقَاعْ لْبِيرْ،
وَفِيهْ نَعْسَتْ لَحْمَامَه.
وَعْلَى ذْرَعْنَا لَّوَّنَا وْشَامْ،
شَجَرَه خَضْرَه، ظَّلَّلْ حَوْمَه.
تَشْرَقْ اُلشَّمْسْ وَ يَكْبَرْ اُلرّْبِيعْ،
وَيَتْصَالْحُو مْعَ لَغْمَامَه.
سَاعَاتْ لْحَقْ رَاهَ بَايْنَه،
مَافِيهَا لاَ خْصَامْ وَ لاَ نْدَامَه.
scout202
طنجة: 2007
كَلْمَه رَاهَا حَكْمَه
المواضيع المتشابهه
