رَاهْ، رَاهْ وَ لَغْوَاتْ وْرَاهْ
رَاهْ، رَاهْ وَ لَغْوَاتْ وْرَاهْ،
مَاشِي وَحْدُو، شَلاَّ حَاجَاتْ مْعَاهْ.
رَدُّوهْ طَبْقَاتْ،
قَلْبُو سْفَاهْ عْلَ عْلاَهْ.
قَالُوا هَذَا إِصْلاَحْ.. !!
جَبْرُو وَادْ دَاهْ
جَابُوا لِنَا كِفَايَة، فْكَنَدا رَاهَا مْرَايَا
فَبْلَدْنَا دِعَايَة، شَكْوَى لِلَّه
تْنَوْعُو لَكْتُبْ، وَضْيَاقُو لَقْسَامْ
وَطْفَلْ نْسَى لِخْدأهْ
هُمَا فْرَاسْ جْبَلْ، يَكْلُوا مْعَ اُلذِّيبْ
وعْلَى لَمَّيَّتْ يَبْكِيوْا فَعْزَاهْ
فَالتَّقْرِيرْ بَانَتْ عَلْتُو
جَابُو لْخُطَّة، هِيَّ بَنْت بَّاهْ.
تَحْكِي مَرْضُو مَنْ جْدِيدْ،
بْلاَ مَا يْعَرْفُو فُقَاشْ بْدَاهْ
طَمْرُو حْفَارِي لْحَقِيقَة
وُ سَتْرُو عْلَى شْكُونْ بْلاَهْ.
طَاحَتْ لْمَدْرَسَة
عَلْقُو مُولْ اُلطَّبَاشِيرْ وُخَاهْ.
scout202
tanger14/02/2009