دفاتر الحباب

[aborayaan]

دفاتر يا دفاترنا
من يوم عرفتك
وانا فالهنا
ودعت حديث القهاوي
ودعت الكلام الخاوي
والوقت ولّا عندو قيمة
مع دفاتر الشّان والهمة
لّي بغيتيه كاين تمة
للثقافة عنوان
تشهر فكل مكان

مشرفين كرام
عندهم شلّا إلمام
بكل صغيرة وكبيرة
اعطاهم ربي ابصيرة

مشتركين اكثار
معهم العقل احتار
فين مخبي هذ الخير


منتدى دفاتر
الله يجازيك بالخير
والدوام وحسن التدبير
ويجعل فيك خير اكثير

[أبو حسام الهواري]

ودعت حديث القهاوي ودعت الكلام الخاوي والوقت ولّا عندو قيمة مع دفاتر الشّان والهمة

و نعم الزجل ما جادت به قريحة مجذوب المنتدى -- نسبة إلى سيدي عبد الرحمن المجذوب --
لقد صدق حدسي منذ أن قرأت لك اول نص زجلي
إنك ظاهرة زجلية اخي
لا تحرمنا من عطائك
لا فض الله فاك

[aborayaan]

اقتباس المشاركة الأصلية كتبت بواسطة أبو حسام الهواري و نعم الزجل ما جادت به قريحة مجذوب المنتدى -- نسبة إلى سيدي عبد الرحمن المجذوب -- لقد صدق حدسي منذ أن قرأت لك اول نص زجلي إنك ظاهرة زجلية اخي لا تحرمنا من عطائك لا فض الله فاك

فين انا من المجدوب
اللي اسكن اجميع القلوب
بكلام كلّو حكمة
كلام موزون ونغمة
تفقه فالدنيا والدنيا
كان من الصالحين
جال البلدان والمصار
كان من الناس الناصحين
خلا قصايد كثار
حبوها الصغار والكبار
مولانا يا غفار
ترحمو فهذيك الدار

[tijani]

أحسنت أخي
لا فض فوك
حتى ما أوردته عن عبد الرحمان المجذوب كان في المستوى

تحياتي

[tadlaouia]

تبارك الله على خونا ابوريان

شكر دفاتر وزين كلامو بان

خلا كلام القهاوي

وعلى المعقول ناوي

الله يطيب مقامك

مع خوتك واخواتك

تبارك الله على ابو ريان ما عندي ما نقول زجل من داكشي الرفيع

تقبل تحيتي وتقديري