للنور اللي شفته أو مافتحت عيوني للدنيا .. للإنسانة اللي عشت مع قلبها .. وفي قلبها .. للنبض اللي يسري فيني للهوا اللي أتنفسه .. للطهارة والعفاف .. لمنبع الحنان كله ..
للي سكنت بها قبل لا تسكن بروح الروح
يمة .. أصبحك بالخير والعافية والسعادة يا أطهر قلب .. أصبحك بالحب .. أصبحك بالورد اللي إنتي له هدية ..
اميمتي .. سامحيني يمة .. مهما سويت فأنا بحقك مقصرة .. ما أطلع من جزاك .. ما أطلع من جزاك .. ما أطلع من جزاك .. كل خير يصير فيني من دعاك .. كل هذا بس لجلك ولغلاك .. لجلك يانظر نوف لو تامرين أقود نفسي للهلاك .. بس أبي منك رضاك .. يانور نوف اسمحيلي .. ادري قصرت بحقوقك .. ماوفيت الطيب اللي بعروقك .. ولا رقة خفوقك .. يايمة ماوفيتك .. آه ياعمري فديتك .. أنا بدونك سراب .. ارضي علي يمة .. ارضي على بنتك .. وإلا ليتني في التراب .. كيف ياعمري أنام .. وإنتي يا أغلى الأنام .. عينك اللي دوم تسهر لجل عيني وماتنام .. لا يايمة حرام .. ارضي عني .. يا أغلى من سكني .. ارضي عني ياملاك .. يكفي في جوفك حملتيني .. تسع شهور شلتيني .. ومن طيبة قليبك سقيتيني ..
أنا لو شلتك على ظهري .. وحججتك .. وفي بيت الله طوفتك .. وعلى ظهري .. ماوفيتك لو انقضى دهري ..
ولو كتبت أشعار .. ولو الحروف حجار .. لأبني لك قصر ماصار .. دور أحبك .. ودور أعشقك .. ودور أغليك يابعد كل الأنظار ..
همي بالدنيا رضاك .. والله يايمة قلبي فداك .. اطلبي عيوني وإلا إطلبي كوني صدقيني ياحياتي قبل لاتكملين الألف والباء اللي تبينه بين أياديكِ جا .. يابعد عيني وروحي يابلسم جروحي ياكل بوحي .. عهدٍ علي لأرفع جبينك .. وأحب كفينك .. وأكون أنا المنديل يايمة إليا أدمعت عينك
أحبك يايمة أحبك أحبك أحبك
عسى الله يطول بعمرك
إليكِ أمي
المواضيع المتشابهه
