لقد قرأت زجلية الاخ أمين المصورة " حرف وحداني " فسجلت هذه الخواطر المتواضعة :
كيفْ البحر لّي هاجتْ مْواجو
القليبْ محـْتار تخلطاتْ نساجو
الحْمَلْ ثقيـل أتزيد ثـقا لو
أ ْبنادم اليوم دايخ فمْجاجو
البعض تلقاه مْهني فحـْوالو
عايش ف الخيرْ تسْرح نعاجو
أشي ف عذابْ مطيـّحْ كـْتافو
مفرّش حْصيره .. كحـلْ مقراجو
الحرْفْ مخنوقْ ضاع سْراجو
والغـْنـَى منشورْ ف البلاد خـْماجو
الذهبْ اليوم ما ليهْ حـْبابو
والصْدَا مطلوبْ كـُلشي محـْتاجو
حياني علْ الحيط المعـوّج منْ ساسو
عيـّبْ داري .. مرضني تعـْواجو
شفتْ المسكين اليوم طارْ نعاسو
ما حيلـْتُ فخدمَه ما حِيلت ف زواجو
حياني يانا عل اللي طاع هبالو
والناس ساكته قابلين عْجاجو