[abo fatima]

مملحات بالطون و كاشير و الجبن



استعملت 250 غ دقيق + 1 كأس حليب+ بيضة+ خمارة+ ملعقة خميرة الخبز+ شوية الملح+ نص كأس زبدة ذايبة + شوية الماء دافي خلطت المكونات الجافة من بعد درت الزبدة و الحليب و يلا كان خاص الماء عاد كنديرو من بعد خليت العجينة تخمر واحد نص ساعة من بعد ما درتها في بلاستيك غذائي من بعد سرحتها و بديت كنقطرع بالجرارة باش نحصل على مربعات أو دوائر المهم باش نحشي هذ العجينة درت حك الطور حيث لو السلسول عاد درت لو شوية الربيع و ملعقة الحار )اختياري) عاد قطعت شوية الزيتون من بعد حكيت الكاشير و الجبن الأحمر و بديت كنحشي كل قطعة من العجينة و كندير ليها بياض البيض من الجناب باش تلصق لي و ماتحلش فاش طيب و استعملت كأس الفلان باش يخرج لي هذ الشكل لي درت من بعد خليتهم يخمرو ثاني عاد ذهنتهم بأصفر البيض مخلط مع شوية نيسكافي و معلقة الماء صغيرة و دخلتهم الفرن مدة 20 دقيقة حيت لعجينة ما غليظاش بزاف باش تكلس مدة أطول و بالصحة و الراحة