.
العجين:
2 كيسان ماء دافئ
2 كيسان دقيق
3 ملاعق كبار حليب غبرة
2 ملاعق كبار سنيدة
ملعقة صغيرة ملح
ملعقة كبيرة خميرة معجونة
نخلط الكل بالخلاط الكهربائي و نخليوها مدة 10 دقائق تخمر، ثم نضيف 3 كؤوس دقيق و نصف كأس زيت المائدة و نجمعو العجين كيجي لين، نوضعوه في بلاستيك غذائي في الثلاجة لمدة 15 دقائق.
الحشوة:
2 فلفلة واحدة خضراء و واحدة حمراء
2 ملاعق معدنوس و قزبر
2 بصلة مشلضة. مزيان
ملعقة ملح
2 ملاعق زيت زيتون
نصف ملعقة سودانية
نصف ملعقة كمون
نصف ملعقة ابزار
نصف ملعقة خرقوم
كنشحروهم مزيييان
ملي يبرد نزيدو عليهم علبة طون مصفية من الزيت و كاشير محكووك و لي بغات تزيد الفرماج حمر.
الطريقة:
نسرحو العجين بالمدلك، يكون رقيق حيت مازال ايتنفخ فالفران
نقطعو العجين، أنا استعملت الزلافة باش تعطيك شكل واحد
كنوضعو الحشو في العجين و نطويو من النص و نضغطو بالفورشيطة و ندهنو بالبيض و الحليب
و هاكا حتى نكملو العجين و الحشوة
ندهنو اللاطة بالزيت و الدقيق نستفو لي شوصون فاللاطة و ندخلوهم الفران يطيبو من التحت عاد نهبطوهم يتحمرو من الفوق
نخرجوهم من الفران و نقدموهم بالصحة و الراحة
