الله يحد الباس...

[Fouad.M]

كلمات جميلة في قالب اجمل اخي عز الدين...
تقبل اعجابي بحرفك ايها البهي...
لك تحياتي ومودتي...

[tadlaouia]

اقتباس المشاركة الأصلية كتبت بواسطة azzeddine.i هدا سلامي للي يفهم كلامي للي صال او جال فهاد بلاد الهبال وصل سلامك وتفهم كلامك وخا ما صلت ما جلت وبرا عليا من دنيا الهبال هاد الناس تحب تركع ضحكها وبكاها متصنع تحب تطيع وتسمع هداك اللي نام او ما قام هداك اللي خاف وتخبا تحت اللحاف هاد الناس عطيها ما تاكل ديرك فوق راسها تاج والي جا يضحك عليها تراب وهزاتو العجاج قالو راه كيناضل واللي ما عرفو غافل هزوه فوق الكتاف غناو او كترو تخراف قربو يهزوه فالعمارية عريس جالس على الكرسي تسونامي ما يهزو من بلاصتو تقول داير وتد فالارض مرسي دارو فالصندوق مستقبل مشنوق وقلبهم مدبوح بالامل والطموح هو اطلع للسما او هما بقاو تما قالو راه يناضل واللي ما عرفو غافل مساكن دارو التيقة وهو دار ف الكرسي التلصيقة تيتسناو الخير من كل جهة وحنا مازلين فيها راه الي طلع بالغش ما عمرو يعمر لغيرو العش تسناو من السنين سبعة لا خدما لا لباس لا شبعة تمناو من رب السما يبدل الجفاف بالرحمة او يتفكرهم مول الكلمة يطل عليهم ولو فلحلمة لاباس الي ما طل عليهم كون طل عليهم لوكان شمت فيهم خليهم فدار غفلون والعام الي جا يضحك عليهم فاقو سادين عينيهم او جا اللي حلهم ليهم وراليهم الصورة والرمز او واعدهم بالهمة والعز دارو فالصندوق امامهم او فجيوبهم ثمانهم او رجعنا لسنين النعاس الله يحد الباس. الصندوق هو الصندوق ومول الكرسي هو مول الكرسي والهبيل ديما هبيل تيرمي الورقة بلا ما يسقسي ضورو معاه ببلغة يدور ويقول درتيها بيهم اراسي

تبارك الله عليك اخي زياااد

زجلك متقون ...تمجهدي اسيدي ...ما عندي ما نقول

تقبل تحيتي وتقديري

[aborayaan]

فعلا أسي عزالدين
الله يحد الباس
قبل ماتوقع الفاس فالراس
راه بعمايل دوك الناس
موحال نكونو لاباس
تحياتي

[Azzeddine.I]

اقتباس المشاركة الأصلية كتبت بواسطة lamgharir11 وتستمر اللعبة...ونحن على حالنا...والوعود الزائفة...والآمال المنتظرة...ننتظر الخلاص..فهل من مخلص...رغم كثرة الرموز... أشكر الاستاذ عز الدين على كسر الجدار وإزالة اللثام عن موضوع ظل مسكوتا عنه...وأدى إلى عزوف الأغلبية عن المشاركة في اللعبة... تحياتي ومودتي...

صباح الخير والورد اخي لمغارير11.. لك تحياتي واعتزازي بمرورك الكريم.
هو كذلك الوضع كما اشرت اليه اخي العزيز, فاكبر برامج سياسية وانجعها عندنا اليوم هو برنامج العزوف..

تحية صادقة وسلامي
اخوك عزالدين

[Azzeddine.I]

اقتباس المشاركة الأصلية كتبت بواسطة nazih lahcen ذلك هو المبدع ؛ يتفاعل مع زفير و شهيق أمته؛ ولا يترك لحظات المنعطفات الإجتماعية وبألوانها المشهورة؛ دون الوقوف عند تسجيل رؤيته والتعرض للمنافذ الحساسة التي تشكل الفضاء الكلي لشعب وطنه.. اختار الأخ "عز الدين " الإطلالة من خلال زجلية رائعة تعرض لمنعرجات الضحك على الذقون عبر الصناديق" الشفافة " ؛ وسجل بذلك مساهمة متميزة و بلغة سلسة؛ فياضة بالإيقاع الممتد الى روح القارئ/السامع. أسجل إعجابي ..دمت رائعا.

والاجمل والاروع هو مرورك اخي نزيه لحسن, وروعة حرفك وتناولك لكل المواضيع بالتحليل والنقد البناء..
دمت لنا ودام لنا قلمك المتميز
اخوك عزالدين