|
||||||
|
|
أدوات الموضوع |
|
|||||
من ديوان: بوشتة البنــاي( مول الكاغيط)
التهامي مول الكاغيط
هكذا بدا الكـــلام بلا ألف بلا لام بلا كحبــة بلا سلام بلا تفكير بلا تخمــام بحال من اللور، بحال من الكدام بحال الشهر بحال العام بحال الشمور ، بحال اللي خدام بحال الكيلو ، بحال الغرام بحال الكمشة، بحال العــرام بحال الحلال ، بحال الحرام بحال المـــا ، بحال ليــدام بحال اللحــم ، بحال العظـــام بحال الموسخ اللي خايف من الحمام بحال بيــبي اللي خايف من لـــحمام بحال لبحــر اللي خايف من العـــوام بحال المسكيــن، اللي خايف من الدوام بحال الكرة ،اللي كتخاف من لقدام بحال الخاين ، اللي يخاف من لعـــلام بحال الشينوي ، بحال الفيتنـــام غادي نحكي ليكم خير وسلام على مثله ما كا لوهاش لقـــدام ( اللي عنــدو الكاغيط ، عندو دوا لجــــدام ) دام دام دام دام دام دام دام دام دام التهامي موظف بسيط .شاوش فشركة الكاغيط دبر عليها بالرغيب والتعوريط .التهامي اصلع ورقيق كالشريط قصير و عامر بالخــوا كالصوصيط. ظهر مقوس وريحتو كتعطعط خدام على سبعة حاضيين غير السريط .وعلى مــو باش ما يتسماش مسيخيط شد المانضا دار ليها تخطيط .ومشا الحانوت يشري الدكيك لكا بنادم مصاف كالعكيك .الغليظ يعفس على الركيك الصف الاول بالتبركيك.. الصف الثاني بالتمرزيك الصف الثالث بالتزاويك بشرط: ثلاثة فخنشة الدكيك هذا آخر الشهر ...الحانوت ببنادم اعمر ما كاين غير اعبر آالشريف اعبر أتاي تدي معاه السكر .المعدنوس تدي معاه القزبر الحليب ما يرجع واخا يخســر. اجبد الفلوس عاد اهــدر اجبد الفلوس والسمطة فالضهر. كليل الصحة مشــا للقبــر التهامي كال: ( هذا حانوت ولا ازمــر) كلشي فالحانوت مغبـــون .كلشي كيتباع بالبــــون كلشي قبل الشهر دافع العربون. واخا الطحين اكحل كالشاربون والسكر فيه ريحة الصابون آلحـــانوت : راه الجيب اخوا .ومازال الحليب والقهوا والدراري خاصهم الحلوا .بلا ما نهدر على الطبيب والدوا والكزار واللحم والشوا. والملابس العصرية والكوا والروايح وسلعة النخوا .هادو غير الضروريات بلا شهوا الدراري بقاو بالعرا التهامي حتى سليب لهم ما اشرا اللي عمرلو الكناش. ما بقالو فاش يقرا الكبينة تخنقات ما بقالو فين يخرا .التهامي خدام فالكاغيط ويمسح بحجرا بوعو ديال الصغار غول ولا بكرا .و بوعو ديال التهامي هو مول لكـــرا الى ما لكا الراجل يدور بالمرا ( حطو لي فلوسي بلا هدرة ) الى زدنا الدوا التهامي يهرب .الولد الصغير يتقيا وخوه يكحب المرا فيها بوزلوم ودايرة دوا لعرب. هذا دمغوه، وهذا فالكرة تضرب اللي تجرح بزاف يحزمو لو بقنب. كلشي مريض والصحيح فيه معذب التهامي عمرو ضحك غير فالتصويرة .وجهو مزنك واحمر كالتحميرة ماشي حشمان الشراب ردو حريرة. عيا ما ينقب ويدبر على اتنوعيرة لانكول حمضو وردو خميرة واحد الصباح التهامي داه النعاس. اصبح جامد واصفر بحال النحاس واحد فمو محطوطة القرعة والكاس .التهامي مات/ قتلوه جميع الناس التهامي مات / قتلاتو القرعة والكاس. التهامي مات/ كفنوه بالشراوط الشركة عزاتو بكارطونةلكواغط .التهامي مات/ كالكاغيط تزاوط خدام فالكاغيط وما مصاوبش لكواغط مراتو حلفات ما تخوي الدار. وفتحتها صالون عمومي لكل الزوار المحرومين من كل الأعمار. ضربت القيم والهدرة والعار التهامي اضحك وسط القبر .داري ولى فيها الفساد والمنكر والسربيس ما كاين غير اعبر اعبر اعبر اعبر الكاغيط ، اعبر الهوى اعبر الزيت ،اعبر خزيت.. والقهوة اعبر الطحين آ مسكين..اعبر السكــر اعبر اللحـــم .. اعبر الــــدم تسحابني بنادم عدو عا فم سعة بنادم عندو فــــــام .وعزيز عليه التغماس و ليدام وهكذا سلا الكلام. بحال من اللور بحال من الكدام بحال الحلال، بحال الحرام اللي عندو الكاغيط عندو دوا الجدام mt2mt2دام دام دام دام دام دام دام دام دام دام دام دام دام دام دام  dd1
التعديل الأخير تم بواسطة alawni ; 22-03-2009 الساعة 21:44 سبب آخر: خطأ في العنوان |
|
الفن تعبير في صور بيلنسكسي |
 |
| مواقع النشر (المفضلة) |
| الكلمات الدلالية (Tags) |
| لابناي, بنسبة, ديوان |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| ديوان | بنت فاطمة | الشعر والزجل | 3 | 02-08-2014 03:34 |
| حيوان | سميح | القصص والروايات | 14 | 23-03-2013 22:19 |
| الحال..من ديوان بوشتة البناي | alawni | الشعر والزجل | 0 | 22-03-2009 17:46 |
| حيوان لا يشرب | az.rachid | دفاتر المواضيع العامة والشاملة | 23 | 19-02-2009 15:18 |
| أصغر حيوان | أمين-94 | الصــــــــــور | 2 | 01-04-2008 08:11 |
